PROCEZz

အဖြစ်အပျက် (၁)

ပတ်ဝန်းကျင်တွင် နှင်းများသိပ်သည်းစွာ ကျနေသည်- အအေးဓါတ်သည်ကား ဆဲစ်ီးယပ် ပေါင်း မိုင်းနပ်စ် လေးဆယ် ဒီဂရီ- ရေခဲတောင်တခုဖြစ်ပါသည်- နှင်းမုန်တိုင်းကို အန်တု၍ ရွေ့လျားနေသော အရိပ်တခုမှာ အဘိုးအို တယောက် ဖြစ်သည်- တရွှီရွှီ မည်ဟည်းနေသော နှင်းမုန်တိုင်း က ခြောက်ခြားစရာ ကောင်းလှသော်လည်း သူ့အတွက်မူ စည်းချက်ကျ ရွေ့ပေး နေသော ဂီတတခုအလား ထင်နေပုံရသည်- နှစ်ပေါင်းများစွာ ကထဲက အကျွှမ်းတ၀င် ဖြစ်နေဟန်တူ၏- အရောင်တောက်နေသည် ထင်ရသော ထိုသူ၏မျက်လုံးများကို သေချာကြည့်ပါက မျှော်လင့်ချက် များကိုတွေ့ရမည်- ထို့ထက်ပိုကာ မြင်နိုင်လျှင်မူ ကြေကွဲ ဆို့နင့်နေသော အရိပ်ရောင်များ ကိုတွေ့ရမည် ဖြစ်သည်- တစုံတစ်ခုကို ရှာဖွေနေသော အရိပ်ရောင်ရှိနေသည်ကမူ သိသာပါသည်- သိသာပါသည်- တခုခုကို ရှာဖွေနေသည်မှာ သိသာလှသည်- ထိုသိသာသောအရိပ် သူ့မျက်လုံးထဲ ကပ်ညိနေသည်မှာ ဆယ်စုနှစ်သုံးခုစာမျှပင် ကြာခဲ့ပါပြီ- လွန်ခဲ့သော နှစ်ပေါင်း သုံးဆယ်ခန့်က ဒီနေရာ ဒီလိုရာသီမျိုးတွင် နှင်းမုန်တိုင်းအောက် ပျောက်ကွယ်သွားသော သူ၏ ချစ်သူကို ရှာဖွေနေခြင်းသည် စိတ္တဇ ဆန်လှသော်လည်း သူ၏ မျှော်လင့်ချက်တို့သည်ကား အရောင် တောက်နေဆဲ.. အခွင့်ကြုံတိုင်း ရောက်ဖြစ်သော ဤနေရာသည် ရေခဲတောင်တက်ရန် လမ်းပြလုပ်နေသော အဘိုးအိုတယောက် အတွက်မူ ပြောင်းလဲမှု အခါ ပေါင်း သုံးဆယ်မျှပင် မကတော့.. ရေခဲတောင်သည်လည်း တိမ်ဆိုင်တိမ်လိပ်တို့ နှင့်အပြိုင်ပင် ရာသီဥတုကို လိုက်ကာ ပုံသဏာန် ပြောင်းပဲ ပြောင်းနိုင်လွန်းသည်- ယခု.. မချိမဆန့် အော်မြည်းလာသော လေသည် စိတ်ထင်တိုင်း ကြမ်းတမ်းစွာ ရိုက်ခတ်လာပြန်ပြီ- ဟော. ပြိုပြန်ပြီ- အမြင့်ဆုံးရောက်နေသော နှင်းထုတို့ ပြိုကျပြန်သည်- ရေခဲစ တချို့သည် အဘိုးအို၏ ဦးခေါင်းအား လွဲရိုက် လိုက်သကဲ့သို့ ထိမှန်သောအခါ အနားယူရန် အကွက်ဆင်ပေးသည့်အလား အရာရာ ကို ခေတ္တ မေ့လျော့ခွင့် ရသွားသည်- အချိန်တခုအရောက်တွင် ပတ်ဝန်းကျင်သည် ဘာမှမဖြစ်ခဲ့သည့် ပုံစံမျိုးနှင့်ပင် လန်းဆန်း လှပ နေပြန်သည်- အဘိုးအိုသည်လည်း ဘာမှမထူးခြားသည့် ပုံစံမျိုးဖြင့် မေ့မြောနေရာမှ နိုးထလာသည်- ခေါင်းအား ဟိုဘက်ဒီဘက် ချိုးချ၍ အကြောလျှော့လိုက်ပြီး ပတ်ဝန်းကျင်အား လေ့လာမိသည်- သူသေသေချာချာ ရင်းနှီးခဲ့ဘူးသော အ၀တ်တစအား နှင်းခဲများဖုံးလွမ်းနေသည့် ထဲမှတစွန်းတစ အပြင်ထွက်နေသည်ကို မြင်လိုက်ရသောအခါ နှစ်ပေါင်းသုံးဆယ် အတွင်း အတောက်ပဆုံးသော မျက်ဝန်းများဖြင့် ပြေးသွားသည်- လက်ဖြင့် နှင်းများကို ဖယ်ရှားလိုက်သည်- သူ၏ပုံစံမှာ ၀မ်းသာခြင်း ၀မ်းနည်းခြင်း ပန်းတိုင်ရောက်ခြင်း ပန်းတိုင်ပျောက်ခြင်း စသည်များဖြင့် ဝေခွဲမရအောင် ရောထွေးနေတော့သည်- တွေ့ပါပြီ- သူနှစ်ပေါင်းများစွာ ရှာခဲ့ရသော သူ့ချစ်သူ ဖြစ်ပါသည်- သူမသည် မျက်လုံးများမှိတ်ထားသည်- နုတ်ခမ်းများက ခပ်စိစိရှိကာ ပါးတို့သည် တဘက်တချက်၌ တလိုင်းဆီ ကိုင်းညွတ်နေသည်မှာ တောင့်တောင့်တင်းတင်းရှိလှသော်လည်း သူ့ကို ရီပြနေသည့်အလားပင်- အဘိုးအိုသည် မျက်လုံးမှ မျက်ရည်များ လျှံတက်လာသည်အထိ ပွေ့ဖက်ကာ ကြည့်နေလျက်- ထို့နောက် သူ၏လက်များသည် ယောင်ရမ်းကာ သူ၏ပါးပြင်အား ပွတ်ကြည့်မိသည်- အရေအတွန့်ပေါင်းများစွာကို စမ်းမိသည့်အခါ မျက်လုံးများသည် အရောင်ပြောင်းသွားသည်- လွန်ခဲ့သော နှစ်ပေါင်း သုံးဆယ်လောက်ကတည်းက သေဆုံးသွားပြီဖြစ်သော သူ၏ချစ်သူမှာ ပုံသဏ္ဌန် မပြောင်းသေး သော်လည်း သူသည်ကား နေ၀င်ချိန်ရောက်နေသော လူသားတယောက်ကဲ့သို့ ပုံစံပြောင်းသွားပေပြီ-

အဖြစ်အပျက် (၂)

တောအုပ်ကြီးထဲမှ လှိုင်းထနေသော တောင်တန်းများသည် ပြာလဲ့လဲ့ ကောင်းကင်ကြီးနှင့် လှပနေသည်- လေနုအေးလေးများသည် တငြိမ့်ငြိမ့်တိုက်ခတ်လျက်- သစ်ပင်များသည် တပင်နှင့်တပင် ရိုက်ခတ်ဆော့ကစား နေကြသည့်အလား ယိမ်းယိမ်းနွဲ့နွဲ့- ထိုလှပသော ပတ်ဝန်းကျင်ကို ထပ်မံအရောင်ချယ်ထားသည်မှာ ကြည်စိမ်းနေသော ရေကန်ကြီး တစ်ခုဖြစ်သည်- ထိုရေကန်ကြီးဘေးနားတွင် သမင်တကောင်သည် ပြေးလွှားဆော့ကစားလိုက် နားလိုက် အစာစားလိုက်နှင့် အပူပင်ကင်းနေသည်မှာ ကျားတကောင် ချုံဖုတ်ထဲမှ ချောင်းနေသည်ကို သတိမမူမိအောင်ပင်- သမင်တကောင်သည် ကျားတကောင်နှင့်ယှဉ်ပြိုင်နိုင်သော ခွန်အား မည့်သည့်အခါကမှ မရှိခဲ့ပါ- တခဏအတွင်းမှာပင် စိမ်းလဲ့လဲ့ပတ်ဝန်းကျင်တွင် အနီရောင် သွေးများဖြင့် အကျည်းတန်သွားသည်- ကျားများ ၀ံပုလွေများ သည် တကောင်နှင့်တကောင် မာန်ဖီရင်း အသားတစ်များကို မြိန်ရေယှက်ရေ စားနေတော့သည်-

ခြံဝင်းတခုမှ ဆူညံစွာ အော်ဟစ်ညည်းညူသံကို ကြားရသည်-
သူသည် ငယ်ငယ်ကတည်းက ဒီခြံထဲတွင် ကြီးပြင်းလာခဲ့ရသည်- သူတို့ကျွှေးသော အဆာများကို စားသုံးသည်- ပျင်းလာလျှင် အိပ်သည်- အစာထစားသည်- ဒီလိုပဲ ကြီးပျင်းလာခဲ့ရသည်- သူသည် ၀က်တကောင်ဖြစ်ပါသည်- ငြိမ်းငြိမ်းချမ်းချမ်း ကြီးပြင်းခဲ့ရသော ၀က်တကောင်သာဖြစ်ပါသည်- ယခုမူ လာခေါ်နေကြပြီ- ထိုသူတို့ ဘာလို့လာခေါ်သလဲ ဆိုသည့်အကြောင်း တစွန်းတစရိပ်မိပါသည်- ထိုသူတို့နှင့် ခွန်အားခြင်းယှဉ်ပြိုင်ရန် အစွမ်းအစ သူ့မှာမရှိခဲ့ပါ- ဒုတ်ကြီးကြီး တခု သူ၏နှာခေါင်းဝ သို့ အရှိန်နှင့် ပြေးလာသည်ကို သာနောက်ဆုံး မြင်လိုက်ရသည်- ပတ်ဝန်းကျင်တွင် သွေးများဖြင့် ရဲရဲနီနေတော့သည်- ည.. လူတို့သည် ညစာစားပွဲ တစ်ခုကို ခမ်းခမ်းနားနားကျင်းပနေသည်- ထိုနေ့ကအသတ်ခံရသော ၀က်၏ သွေးရဲရဲ အသားတစ်များကို ပိုးစိုးပက်စက် မစားကြပါ- မီးကင်၍ ယဉ်ကျေးစွာ စားကြပါသည်-

အဖြစ်အပျက် (၃)

မေခ.. အလွန်လှပါသည်- သူမသည် နီစွေးသော နုတ်ခမ်းများ.. စိမ်းဖန့်ဖန့်ရှိသော သွေးကြောကလေးများ- ကော့ညွတ်သွယ်သော မျက်တောင်များ. ကြည်လင်၍ ပြာလဲ့လဲ့ရှိ သော မျက်ဝန်းများ ပိတုန်းရောင်ထနေသော ဆံနွယ် ထူထူအုပ်အုပ်ရှည်ရှည်များ အချိုးအဆ ပြေပြစ်လွန်းသော ခန္ဓာကိုယ်တည်ဆောက်ပုံ ၀င်းပသော အသားအရေများ ပိုင်ဆိုင်ထားသောကြောင့် မြင်ရသူအပေါ် မှင်တက်သွားစေနိုင်သည် အထိ လှရက်သည်-
ယခုလည်းခန့်ခန့်ညားညားပင် စင်အထက်တွင်လဲလျောင်းနေသေးသည်- ပတ်ဝန်းကျင်တွင် လူအများသည် ၀မ်းနည်းမှု ကိုအသက်သွင်းကာ ငြိမ်သက်စွာ ရပ်နေကြသည်- သေဆုံးသွားပြီဖြစ်သော မေခအတွက် သံစဉ်တခုကို ရွတ်ပေးနေကြသည်- ကွင်းပြင်ကျယ်ကြီး၏ စင်ပေါ်မှာကား မေခသည် လှပစွာ လဲလျောင်းနေပြီ- ပန်းပေါင်းစုံတို့ဖြင့် ပြည့်နက်နေသော ထိုစင်မြင့်တ၀ိုက်တွင်ကား မွှေးပျံကြိ်ုင်ကာနေသည်- မေခသည် အလှပကို အနိုင်ယူသွားတော့မည် ဆိုကာ နာခြင်းနှင့်အိုခြင်း မရောက်ခင်မှာပင် ကိုယ့်ကိုယ်ကို အဆုံးစီရင်သွားသည်- သို့သော် မြို့စားကြီးသည် မိုက်မဲလှသော သူမအတွက် စီရင်ချက် တခုချလိုက်မှာ အလှအပကို နောက်ဆုံးထိ သယ်ယူသွား နိုင်ရန် အလှပဆုံးစင်မြင့် အမွှေးပျံ့ဆုံးသော ပန်းရနံ့များ ဖြင့် မေခအား မီးမရှို့ပဲ ထိုစင်ထဲမှာပင် ထားခဲ့ရန်ဟု ဖြစ်သည်-ပျားတကောင်သည် ပန်းရနံ့ကြောင့် မေခ၏ ရင်ဘတ်ထက်မှာပင် အနားယူနေသေးသည်-

တစ်ရက်- လှပဆဲ-
နှစ်ရက်- ၀င်းပသော အသားအရေမှာ ညိုငန်းငန်းဖြစ်လာပြီ-
သုံးရက်- ပန်းတို့သည် အမွှေးနံ့ကို ထိမ်းထားစေရန် မတတ်နိုင်၍ လက်လျှော့လိုက်ပြီ- ပျား ပုတုန်းတို့က ထိုနေရာမှ ဝေးရာသို့-
လေးရက်- ပွရောင်းရောင်း ဖြစ်လာသည်မှာ မေခမှ ဟုတ်ပါလေစ-
ငါးရက်- အနိထာရုံ မြင်ကွင်းတခု ဖြစ်လာသည်-
ခြောက်ရက်- လဒတကောင်၏ မျော်လင့်ချက် ပါသောအသံတခုကြားနေရသည်-

ခုနှစ်ရက်- ပုတ်အဲ့သော အနံ့များသည် ပတ်ဝန်းကျင်လေထုတခုလုံးကို နေရာယူထားသည်- အရည်တစက်စက် ကျနေသော မေခ၏ ခန္ဓာကိုယ် ထဲသို့ ရေတစက် ထပ်ကျသွားသည်- လဒတကောင်၏ သရေတစဖြစ်သည်-

အဖြစ်အပျက် (၄)

ကျွှန်းတခုပေါ်၌ လူလေးဦးပိတ်မိလျက်ရှိသည်- မည်သည့်အချိန်ကတည်းက မည်သည့်အတွက်ကြောင့် မည်ကဲ့သို့ရောက်လာကြမှန်း မည်သူမျှ မသိကြ- ထိုကျွှန်းပေါ်တွင်က သားရဲတိရိစ္ဆာန်များ ကျက်စားသည်- ကြီးနိုင်ငယ်ညင်းဝါဒ ထွန်းကားသည်- တယောက်သည်က ပျော်ပျော်နေ၏- သားရဲ တကောင်ကောင် နှင့်တွေ့လျှင် ရင်ဆိုင်၏- ယှဉ်ပြိုင်အနိုင်ယူ၏- သူ့ခန္ဓာကိုယ်ဝယ် ကုတ်ဖဲ့ခံဒါဏ်ရာများနှင့် ပြည့်နှက်နေတတ်၏-
တနေ့နေ့ တွင် သူ့အားအနိုင်ယူသွားမည့် သားရဲတကောင်ကောင်နှင့်တွေရမည်ကို မူ မေ့ပြစ်ထားခဲ့သည်- တယောက်မှာကား ပိတ်မိနေပြီဟု သိသည်- ထိုအသိကြောင့် ဘာမှမလုပ်ပဲ အကြီးအကျယ် စိတ်မချမ်းမြေ့လျက် ရှိကာ တမှိုင်မှိုင်နှင့် သေဆုံးသွားသည်- ကျန်နှစ်ယောက်မှာကား ခပ်ရေးရေးမြင်ရသော ကျွှန်းတခုဆီသို့ သာလှမ်းမျှော်ကြည့်နေတတ်သည်- ထိုကျွှန်းပေါ်ရောက်လျှင် လွတ်မြောက်မှုတခုခု တွေ့နိုင်သည်ဟူသော ရည်မှန်းချက်ရှိသည်- ထိုနှစ်ယောက်ထဲမှ တယောက်သည်က သက်လုံကောင်းအောင် ကြိုးစားလျက် တနေ့သောအခါ ရဲဝံ့စွာ ရေကူး၍ ထွက်သွားတော့သည်- အရင်ကတည်းက ရေကူးကျွှမ်းကျင်အောင် လေ့ကျင့်ထားသူဖြစ်ရမည်- ကျန်တယောက်မှာကား ရေမကူးတတ်သောကြောင့် ပျော်ပျော်နေသောသူ တယောက်နှင့်ပင် အတူတူ သားရဲတိရိစ္ဆာန် တို့၏ရန်ကိုခုခံရင်း နေ၏- အချိန်ရလျှင်မူ ပင်ပင်ပန်းပန်းနှင့် သတိထား သွားရသော တောအုပ်ထဲသို့ဝင်ကာ ၀ါးများစု ဆောင်းလျက်ရှိသည်- ဖောင်တခုဖွဲ့နိုင်ရန်ဖြစ်သည်- ထိုအချိန်မှာပင် ထိုကျွှန်းပေါ်သို့ အမည်မသိ လူတစု ထပ်ရောက်လာပြန်သည်- လူများလာတော့ ပျော်ကြသည်- သားရဲတိရိစ္ဆာန်များသည်လည်း တနေ့ထက်တနေ့ တိုးပွားလျက်ရှိသည်-

အဖြစ်အပျက် (၅)

အအေးဓါတ်သည် ရုပ်ဝတ္တု များကို ခေတ္တမျှရပ်ထားစေနိုင်ရန် အစွမ်းထက်၏- အပူဓါတ်သည် ယဉ်ကျေးမှုဝတ်ရုံ ကို လှပစေရန်အထောက်အပံ့ပေး၏- သို့သော် အချိန်သည် အားလုံးကို ၀ါးမျို၏- အချိန်ကို ပြန်လှည်ဝါးမျိုးနိုင်ရန် စွမ်းအားတခုရှိပါလိမ့်မည်- လွယ်လွယ်နှင့်မရနိုင်ပါ- ထိုပတ်ဝန်းကျင်တွင်ကား ငှက်ဆိုးများ၏ ဆွဲဆွဲငင်ငင် အူသံကို ကြားနိုင်သည်- လဒငှက်များ၏ သရေစ တို့သည် မိုးအဖြစ်ရွာချလျက် ရှိသည်-

Carly don't be sad
Life is crazy
Life is mad
Don't be afraid
Carly Don't be sad
That's your destiny
The only chance
Take it, take it in your hands.

Download

Tesla

Remarks: ; Snapshots are from the movie of " The Legend Of Zu "

D I A R Y ?

ထို့ကြောင့်ဤအရာကို… (ဘယ်လိုခေါ်လည်းမသိတော့ပါ)















လောလောဆယ် ဖြစ်စေချင်တာပြောကြေးဆို..
ပလူတိုဂြိုလ်ကို ဂြိုလ်ကြီးကိုးလုံးထဲ ပြန်ထည့်စေချင်တယ်…

အလွမ်းခြွှေချလို့ ပန်းကြွေကျသတဲ့..
ချစ်ခြင်းမေတ္တာဟာ ပိရိစွာ ဖုံးအုပ်ထားတဲ့ ကလကာနောက်မှာ
မောဟိုက်စွာကတယ်…

ဘယ်တော့မှတည်ခင်းဧည့်ခံမှာ မဟုတ်တဲ့ မျက်ရည်တချို့ဟာ..
ရေခဲသေတ္တာထဲမှာ ၀မ်းနည်းစွာ အကျဉ်းချခံရတယ်…

သံစဉ်မပါတဲ့ အသံတွေကြောင့် ထကြွလို့..
တခါတခါများဆို နှလုံးသားက နွမ်းနွမ်းခခနဲ့ ထပြီးတောင်ကတယ်…

ဦးနှောက်အနားယူတဲ့အချိန်ဆို..
နှလုံးသားက ရွှင်ပြတယ်…
မြေမြုပ်ခံထားရတဲ့ အတောင်ပံတွေကလည်း
ရှင်ပြန်ထမြောက်ချင်နေသေးတယ်…

သြော်.. ခရေပင်ကြီးအောက် ခရေပန်းအကျစောင့်ရင်း
ဝုန်းဝုန်းဒိုင်းဒိုင်း ပြုတ်ကျလာတာ ငါပါလား..
အဲ့လိုနဲ့..
ခရေကပဲ ငါ့ကိုပြန်ကောက် သွားတော့တယ်…

မင်းလွတ်လပ်စွာ ပျံသန်းနိုင်ဘို့ဆို
ဟောဒီမှာ အတောင်ပံတစုံ ယူသုံးပါ..
ငါ့နှလုံးသားကို တစစီဖြုတ်ပြီး ယက်လုပ်ထားတယ်..

ကဲ.. ငါဟာဝလုံးမရေးတတ်လို့ ငှေးမှိုင်ကျန်ခဲ့တဲ့ ရွှေခဲကြက်တူရွေးပေါ့
ညီလေးခင်ရေ.. လှည့်ကြည့်မနေနဲ့.. စာကြည့်ပျက်တယ်…..

Tesla

C!O!N!F!U!S!I!O!N!

ရောထွေးခြင်း.

ကျွှန်တော့်ဘ၀တွင် အဓိက အခန်းကဏ္ဍမှ နေရာယူပတ်သက်မှု တခုသည် ရောထွေးခြင်းေ၀၀ါးခြင်း ရှုပ်ထွေးခြင်း နှင့် လမ်းကြောင်းများဖြာမှုအား ရွေးရခက်ခြင်း ဖြစ်သော ၎င်း Confusion ပင်ဖြစ်ပါသည်-

လူတို့၏သဘာဝမှာ သိခြင်သည် စူးစမ်းခြင်သည် ထို့ကြောင့် မသိမှုတခုခု နှင့်ကြုံရလျှင် လေ့လာသည် စဉ်းစားသည် မှတ်သားသင့်သည်ကို မှတ်သားသည်- ရိုးစင်းသော ကိစ္စများ အတွက်မူ ရိုးရိုးစင်းစင်း စဉ်းစားယုံ နှင့်ပင် အဖြေထွက်နိုင်ပါသည်- ထို့အပြင် သိပ်မစဉ်းစားသော အခြေနေတွင် ရောက်နေသော လူတယောက်သည် ထိုရောထွေးခြင်းများထဲမှ ကင်းလွတ်ခွင့်ရသည်- အသိပညာ မစုံ၍၎င်း မစဉ်းစားချင်၍၎င်း မှီငြမ်းစဉ်းစားရန် အချက်လက် များများမရှိ၍၎င်း သိပ်စဉ်းစားရန်မလိုသော ကိစ္စတခုဖြစ်နေ၍၎င်း ဖြစ်နိုင်ပါသည်- ပုံမှန်အားဖြင့်မူ နေ့တဓူဝကိစ္စများသည်လည်း ထိုအတွင်းထဲမှာပင် ပါနိုင်ပါသည်-

သို့သော် ဦးနှောက်ထဲတွင် မှီငြမ်းရန် အချက်အလက်အများအပြား ရှိလာသော အခါ လူတယောက်သည် ကိစ္စတခုကို မြင်ရာ၌ တွက်ချက်မှုမှာ ပိုမိုများပြားလာသည်- တွက်ချက်မှုများလာသောအခါ ရှုထောင့်များလည်း ပိုမိုများပြားလာသည့်အတွက် အဖြေသည် တခုထက်ပိုလာကာ ပြတ်သားစွာ ရွေးချယ်နိုင်မှုသည်ေ၀၀ါးလာသည်- အဘယ့်ကြောင့်ဆိုသော် တခုနှင့် တခုကွာခြားချက်သိပ်မရှိပဲ ထွက်လာသော ရလာဒ်များကို တွေ့နိုင်သောကြောင့် ဖြစ်သည်- သို့မဟုတ် မည်သည့်အဖြေကို ရွေးချယ်သင့်သည်ကို မဆုံးဖြတ်နိုင်သောကြောင့် ဖြစ်သည်- တနည်းအားဖြင့်မူ တွက်ချက်နိုင်မှုကို သိသော်လည်း ဆုံးဖြတ်နိုင်မှုကိုမူ မသိခြင်းလည်းဖြစ်နိုင်ပါသည်- ထိုနေရာမှစ၍ Confusion သည် စတင်ပါသည်-

ထိုကိစ္စသည် မည်သည့်အရွယ်မှ စတင်ကာ ကျွှန်တော့်ထံတွင် ရောက်နေလျက်ရှိသည်ကို သေချာမသိသော်လည်း မှတ်တမ်းမှတ်ရာ အရမူ ကျွှန်တော့်၏ ပထမဆုံး ဒိုင်ယာရီတွင် မေမေရေးပေးခဲ့သည့် အထက်ပါစာမှ စတင်သည်ဟု ပြောနိုင်သည်- ဖြစ်လာမည့် နောက်ဆုံးအဖြေကို ကြိုတင်တွက်ဆ ပါဆိုသည့်အခါ လက်ရှိအဖြေလား အနာဂတ်အဖြေလား သံသရာအတွက် အဖြေလားဟု ကျနော် ဖြေရှင်းရန်ဆိုပြီး ချရေးထားမိသည်- နောင် တနှစ်ကြာသောအခါ ပထမအရွယ် ဒုတိယအရွယ် တတိယအရွယ် ဆိုသည်နှင့် နှိုင်းယှဉ်ကာ ဖြေရှင်းရမည် ကျွှန်တော် အဖြေတွေ့သွားပြီဟု ချရေးထားလိုက်သည်- အဖြေမှန်မဟုတ်သေးပေ-

နောက်ပိုင်းတွင်မူ စဉ်းစားနိုင်လေလေ ဘက်ပေါင်းစုံမှ ရှုထောင့်မျိုးစုံနှင့် ကြုံရလေလေဖြစ်ပြီး ဆိုးဆိုးရွားရွားပင် ရောထွေးခြင်း သည် ကျွှန်တော့်ထံတွင် တွယ်ကပ်နေတော့သည်- တခါတရံတွင်မူ ၎င်း၏ကောင်းကျိုးများကိုလည်း ခံစားရပါသည်- အဖြေများစွာ၏ အကျိုးကို တွက်ဆနိုင်သောကြောင့် မည်ကဲ့သို့ အဖြေရလာ စေကာမူ အကောင်းဆုံးရှုထောင့် တခုကို လိုရာဆွဲတွေး ခွင့်ရသည်- ကိုယ့်အတွက်ကောင်းမည့် ကျန်မည့် ရှုထောင့်ကို ပြောင်းပြစ်ခွင့်ရသည်-ထို့ကြောင့် တော်ယုံတန်ယုံ လောကဓံကို မူ ခံနိုင်ရေ ရှိလာသည်- လူတွေအပေါ် ပိုမိုနားလည်နိုင်စွမ်းရှိလာသည်- ဥပမာမြင်အောင်ပြောရလျှင် လွမ်းစရာကို နာစရာနှင့် စဉ်းစားဆိုသလိုမျိုး ဖြစ်သည်- နိမ့်နေလို့စိတ်ပျက်နေရင် ကိုယ့်ထက်ပို နိမ့်သူကို ကြည့်ဆိုသလိုပင်- ထိုအခါ မကောင်းသည်မှာ ဘာပဲဖြစ်ဖြစ်ကွာ ဖြစ်ချင်ရာဖြစ်ပါစေ ဆိုသည့် အကျိုးသက်ရောက်မှု လည်း ၀င်လာသည်- ထိုအခြေနေသည် ကြိုးစားအားထုတ်မှုကို လျှော့သွားနိုင်သည်- မဖြစ်ဖြစ်အောင် ဒီကိစ္စကိုလုပ်ရမည် ဆိုသောစိတ်ဓါတ်ကို လျှော့စေသည်- မဟုတ်သည်များကို ကိုယ့်ဟာကို ဟုတ်သည်သတ်မှတ်ကာ ဟုတ်သည်ဟုတွေးသော အတွေးမှားများလည်း တခါတရံ ၀င်လာနိုင်သည်-

လူ့ဘ၀တွင် မစဉ်းစားပဲ နေထိုင်ခြင်းသည် ဘာကိုမျှ ဆင်ခြင်နိုင်မည်မဟုတ်ပဲ လွန်စွာအကျိုးယုတ် နိုင်ပါသည်- စဉ်းစားခြင်းကြောင့် ပိုမိုကောင်းမွန်သော ရလာဒ်များ တွေ့လာနိုင်သော်လည်း မလိုအပ်ပဲ စဉ်းစားပါက နောက်ကျခြင်း ဆုံးဖြတ်ချက် မပြတ်သားခြင်း နှင့် ခွန်အားဆုတ်ယုတ်ခြင်း ကဲ့သို့သော ဆိုးကျိုးများလည်း များပြားစွာ ရနိုင်ပါသည်- အဓိကမှာ ချိန်ခွင်ကဲ့သို့ Balance လုပ်နိုင်ခြင်းဖြင့် ကိစ္စတခုခြင်းစီကို လိုက်၍ မည်သို့ကိုင်တွယ် သည့်သည်ကို သိလျှင်မူ အကောင်းဆုံး ရလာဒ်ကို ရနိုင်ပါသည်- မြတ်ဗုဒ္ဓ ဟောကြားခဲ့သော အလယ်အလတ် လမ်းစဉ်သည် လူသားတို့အတွက် အကောင်းဆုံးနှင့် အသင့်လျှော်ဆုံး နည်းလမ်းဖြစ်ပေသည်- ထိုစဉ်းစားနိုင်မှုကို အသုံးချကာ မည်သည့်ကိစ္စ ဖြစ်ပါစေ ကုသိုလ်ဖြစ်အောင် စဉ်းစားခြင်း နေခြင်း ဖြင့် လက်ရှိအတွက် အနာဂတ်အတွက် သံသရာအတွက်ေ၀၀ါးခြင်းမဟုတ်သော ရောထွေးခြင်းမရှိသော အကျိုးရလာဒ် ကောင်းများကိုရနိုင်ပါသည်-

Tesla

DIARY +

ကိုယ်ပိုင် ညစာ
















မိုးရွာတော့မည်- ထီးပါရဲ့လား- မပါရင်ကော- လွယ်လွယ်လေး မိုးရေချိုးလိုက်ပေါ့- ပါတုန်းကကော သူကရွာလို့လား- ပြပွဲတခုသွားရဦးမယ်- သွားရဦးမည် ဆိုတော့က သွားလိုက်တာပဲ ကောင်းသည်- စနေနေ့ည ခုနှစ်နာရီ- ရွာမှန်းမသိ မရွာမှန်းမသိပဲနဲ့ ထီးယူလာရတာ ပင်ပန်းပါတယ်- အဲ့ဒီထီးက မိုးကြိုးကော ကာနိုင်လို့လား- ဟော သနပ်ခါးနံ့ ရသည်- မွှေးသည်- ကြိုက်သည်ထင်၏- ပါးပြင်ပေါ်ရောက်မှ ကြိုက်သွားတာလား- ကလူ၏သို့ မြူ၏သို့တည်း- တော်စမ်းဘာ- မခင်မျိုးဝင်းတောင် ကလေးနှစ်ယောက်ရသွားပြီ- အင်း ပြပွဲသွားရဦးမည်- မောဟလွတ်ချပွဲ- အရှိအတိုင်းပဲတဲ့- အရှိတိုင်းဆိုတော့ အရိုင်းအစိုင်းလား- အရှိအတိုင်းဖော်ပြတဲ့ ကင်မရာတစ်လုံးလောက်တော့ ရချင်သည်- မရှိပါဘူး- ပြောရရင် ဈေးတန်းမှာ ဖြတ်လျှောက်တုန်း မျက်ဝန်းထောင့်ကနေ ဖို့ကပ်စ်မညှိပဲ မြင်လိုက်ရတဲ့ ရောင်စုံပူဘောင်းလေးတွေ ညိမ့်ခနဲ ဖြတ်ဖြတ်လူး သွားတုန်းကရယ် လေတချက်အဝှေ့မှာ ကောင်မလေးတစ်ယောက်ရဲ့ ဆံပင်ဖြောင့်ဖြောင့်လေးတွေ ကျောကုန်းအထက်ကနေ ဇတ်ကနဲ ဆတ်ဆတ်ခါသွားတုန်းကရယ်- ကဗျာဆန်သွားပြီ- ပြန်ဖျက်- ရွာပြန်ပြီ မိုးက-
ပြပွဲသွားရဦးမည်- မောဟလွတ်ချပွဲ- ယဉ်ကျေးမှု- အဲ့ဒီစကားလုံးထဲမှာကော ယဉ်ကျေးမှုပါရဲ့လား- စကားလုံးယဉ်ကျေးပြီး အတွေးအခေါ်မိုက်ရိုင်းတယ် ဆိုတဲ့စကားက တော်တော်တော့ တာသွားသား- ကဲ အလုံးစုံယဉ်ကျေးဘို့ လူပီသမှုကို ဆန့်ကျင်ကြစို့- သပိတ်မှောက်တာလား- အကုန်လုံးလူကြမ်း ငါတယောက်ထဲမင်းသား ဆိုရင်တော့ အဲ့ဒီဇာတ် တခုခုမှားနေပြီတဲ့- ရှေးခေတ်ပရောဖတ်တွေ ပြောတာပါ- ပြောကြေးဆို သူတို့ကော ယဉ်ကျေးလား မယဉ်ကျေးလား ကိုယ်မှမသိတာ- တော်တော်လည်တဲ့ လူတွေ- ဗိုက်ထဲက အညစ်အကြေး တွေ တရက်တခါ (သို့မဟုတ်) နှစ်ရက်တခါ ထုတ်သည်- ဦးနှောက်ထဲက အညစ်အကြေးတွေ ဘယ်နှစ်ရက်တစ်ခါ စွန့်ပစ်သနည်း- အပေါ်ကိုမော့ကြည့်တော့ ဒေါင်းယောင်ဆောင်သောကျီး- ထားလိုက်တော့ ဆက်တွေးရင် အရိုင်းအစိုင်းဖြစ်တော့မည်- အရိုင်းအစိုင်းဆို တာ အရှိအတိုင်းလား- အရှိအတိုင်းမြင်ရရင်တော့ ဟိုမှာ ဆံပင်ကို ရွက်တတ်ပြီး စကတ်တိုတိုနဲ့ ကောင်မလေးတွေ ဖြတ်လျှောက်သွားပြီ- ငါငယ်ငယ်က ညည်းတို့ဘယ်ရောက်နေလည်း- ညည်းတို့ငယ်ငယ်က ငါဒီမှာ- သဒ္ဒါအသုံးအနှုန်း မှားသွားပြီ- မတတ်နိုင်- ပြောရရင် ငယ်ငယ်က မခင်မျိုးဝင်း တော်တော်လှသည်- လှသည်ဆို တော်ပြီပေါ့- တော်တော်လှသည်ဆိုတော့ ကြိယာဝိသေသနတွေ အပိုထည့်မိသည်- ဆရာဇော်ဇော်အောင်တော့ မတွေ့လောက်ပါဘူး- အခုတော့ မခင်မျိုးဝင်းလည်း.. အော်.. တွေးပြီးပြီ- အတွေးကိုမှတ်ထား ပြီးတိုက်စစ်ဆေး တဲ့ စနစ်ပေါ်လာလျှင် လုံခြုံရေး တော်တော်အောင်မြင်နိုင်သည်- လူတွေက အတွေးတွေ တူမှမတူကြတာ- ရိုးသားတဲ့သူတွေကို တော့အလျှော့ ပေးလိုက်ပါ- ရှုံးတာတောင် တန်တယ်- ချိန်ခွင်တခုတော့ ဆောင်ထားမှ- ပြပွဲ သွားရဦးမည်- မောဟလွတ်ချပွဲ- စနေနေ့ည ခုနှစ်နာရီ- ဖေဖ၀ါရီ သုံးဆယ်- ဟော.. မိုးရွာပြန်ပြီ- ရွာတော့ဘာဖြစ်လဲ- မိုးရေချိုးလေ- ညီလေးရေ ဘီယာတစ်ခွက် ထပ်ပေးကွာ-

Tesla

Diary (Two)

.....တော်တော်လွမ်းတယ်

Tesla

STEP thoughts ABOUT blogs

လှေခါးထစ်အတွေးများ

အခုတလော ဘလော့တွေအကြောင်း စဉ်းစားဖြစ်တယ်- ဘလော့တွေအကြောင်း စဉ်းစားတော့ ဦးစွာ ကိုယ့်ဘလော့အကြောင်း ပြန်ပြီး ခွဲခြမ်းစိတ်ဖြာ မိပါတယ်- ကျနော်ခေါင်းစဉ်တွေကို အင်္ဂလိပ်လို ဘာလို့ရေးတာလည်း ပြန်စဉ်းစားကြည့်တော့ တမင်တကာ ရေးတာမဟုတ်ပါဘူး ဟိုတုန်းက စရေးကာစ ဘေးနားက ဆိုက်ဘားမှာ မြန်မာလိုဆို ဗရုတ်သုက္ခ တွေပေါ်နေလို့ အင်္ဂလိပ်လို မဖြစ်ဖြစ်အောင် ဘာသာပြန်ပြီး ရေးမိရာက အခုထက်ထိ ယူနီဖောင်းဖြစ်သွားအောင် ရေးမိခြင်း ဖြစ်ပါတယ်- ပြောတာပြောရတယ် ကျနော့် တန်းပလိတ်က အခုထက်ထိ ပို့စ်တခုကို မဖြစ်ဖြစ်အောင် လုပ်ယူပြီး တင်ရတုန်းပါပဲ-

ဘေးနားက စာတွေဆိုတာ နဲ့ ကျနော်တခြား ဆိုဒ်တွေကို လင့်လုပ်ထား ခြင်းအကြောင်းလည်း ပြောပါဦးမယ်- အဓိက ကတော့ ကျနော့်အတွက် အဆင်ပြေအောင် ကိုသွားတဲ့ ကိုသိတဲ့ ဆိုဒ်အားလုံးကို သွားဘို့ဆိုတဲ့ ရည်ရွယ်ချက်နဲ့ ကျနော်စပြီး လင့်လုပ်တာပါ သိသမျှတွေ ချရေးထားတဲ့ အတွက် လုပ်ခါစက တယောက်ကတောင် ပြောဘူးတယ် လင့်တွေ များလှချည်လားဆိုပြီး- ဟုတ်ပါတယ် ဘယ်သူ့ဆီကမှ လည်းခွင့်သွားမတောင်းမိခဲ့ပါဘူး- ပုံမှန်အားဖြင့်တော့ လင့်ထားခံရတဲ့ သူဟာ လက်မခံစရာ အကြောင်းတော့ မရှိလောက်ပါဘူး ဆိုပြီး စဉ်းစားမိခဲ့လို့ပါ- ဒါပေမဲ့ လင့်လုပ်ထားတဲ့ ဆိုဒ်တခုက ကျနော့်ဆီကို သူ့ခွင့်ပြုချက်မရပဲ ဘာဖြစ်လို့ လုပ်တာလည်းဆိုတဲ့ တုန့်ပြန်မှုတခုရတော့ ကျနော်စိတ်မကောင်းဖြစ်ရတဲ့ အပြင် ကိုယ့်ကိုကိုယ်လည်း အောက်တန်းကျသလိုမျိုး ခံစားလိုက်ရပါတယ်- ရှားပါးတဲ့ အားသားကေ့စ်တခုပါ- ဟုတ်ပါတယ် ရည်ရွယ်ချက်ခြင်းမတူ တဲ့ ဘလော့မျိုးလည်း ရှိပါသေးလားဆိုတာ ကို အဲ့ဒီအချိန်ကြမှ ကျနော်စဉ်းစားမိတာပါ- နောက်ပိုင်းတော့ လက်ခံဘို့ သေချာလောက်တဲ့ လင့်တွေပဲ ကျနော်ထားခဲ့ပြီး လက်ခံချင်လား မခံချင်လား ကို မပိုင်းခြားနိုင်တဲ့ ကျန်တဲ့လင့် တွေ ဖြုတ်ပြစ်ခဲ့ပါတယ်- အဲ့ဒီအတွက် ပြန်ဖြုတ်လိုက်တဲ့ လင့်ပိုင်ရှင် များကိုလည်း ဒီနေရာကနေ တောင်းပန်ပါတယ်- ကျနော် တပ်ချင်သလိုတပ်ခဲ့ပြီး ဖြုတ်ချင်သလိုပြန်ဖြုတ်တယ် လို့ မထင်စေချင်ပါဘူး- နောက်ပြီး ကျနော်အခုလုပ်ထားတဲ့ လင့်တွေမှာလည်း အဲလ်ဖာဘက်ကို ဗြောင်းပြန်ယူပြီး စီထားပါတယ်- တခါတခါတော့ ပြဿနာ တွေကြားဝင်မိပါတယ်- ဘာကြောင့်မို့လည်းဆိုတော့ အားလုံးကို စိတ်ဝမ်း မကွဲစေချင်လို့ပါ- သမိုင်းက ဒီလိုဒီလို ရှိခဲ့တာ ဆိုတဲ့ဟာတွေတော့ ထည့်သွင်း မစဉ်းစားခဲ့သလို သိလည်းမသိပါဘူး- အားလုံးအတွက် အကျိုးမရှိဘူး ထင်တဲ့ အခြေအနေ ရောက်နေလို့ ကျနော်ဝင် ပြီးဖြန်ဖြေတဲ့ သဘောပါပဲ- လွန်လာတယ်ထင် တဲ့ အသုံးအနှုန်းတွေ အတွက်တော့ ခံရတဲ့ဘက်က နည်းနည်းလိုက်ပြောမိပါတယ်- ဒါပေမဲ့ စေတနာတခု အတွက် ၀င်ပါခဲ့တယ် ဆိုတာ ကျနော်သေချာပါတယ်-

နောက်တခုက ကော်ပီရိုက်ဆိုတဲ့ အသံကို ကျနော် ဆက်စဉ်းစားမိပြန်တယ်- ကျနော့်စာတွေနဲ့ ပတ်သက်ပြီး တော့ ကျနော့်ဘက်က အင်မတန်ရှင်းပါတယ်- ကြိုက်တဲ့နေရာမှာ ကြိုက်သလိုယူသုံးခွင့်ရှိပါတယ်- ကျနော့်နာမည် ဖော်ပြချင်နေ မဖော်ပြချင်နေပါ- စီးပွားရေးသုံးဆိုတာမျိုးတွေ အတွက်လည်း အကြုံးဝင်ပါတယ် တခုတော့ရှိတာပေါ့လေ နိုင်ငံရေးငြိမဲ့ ကျနော်ဒုက္ခရောက်မဲ့ ကျနော့်စာတခုခုကို ကျနော်မသိပဲ ချွှန်တွန်းလုပ်တာမျိူးက လွှဲလို့ပေါ့- ဘာလို့လည်းဆိုတော့ ကျနော်လည်း ဖြစ်ဖြစ်မြောက်မြောက် မရေးတတ်တာရယ် တဆင့် ဖော်ပြရလောက် အောင်လည်း အရည်ချင်း မရှိဘူးဆိုတာ ကိုယ့်ဟာကို သိတာတကြောင်း- ကျနော်ရေးသမျှဟာ ကိုယ့်ဟာကို ခံစားချက်လေးတွေ ရေးချမိတာတကြောင်းနဲ့ ကျနော်လူတွေကို ခံစားချက် မျှဝေခြင်းသာ ဖြစ်တဲ့တွက် အားလုံးသော စာများ ကဗျာများ ဓါတ်ပုံများ ဟာဒီနေရာမှာ ချထားလိုက်တာနဲ့ တပြိုင်နက် ကျနော့်ဟာသာမက အားလုံးနဲ့ ပတ်သက်တယ်လို့ ပဲ ကျနော်ယူဆထားပါတယ်- ကမ္ဘာကျော်သွားရင်တော့ ထပ်စဉ်းစားမယ် ဟီး ဟီး- အဲ.. သူများစာတွေ ဓါတ်ပုံတွေတော့ ကျနော့အနေနဲ့ ပစ်စလက်ခတ် တင်မှာမဟုတ်သလို မျှဝေချင်တဲ့ စာတွေရှိခဲ့ရင် သေသေချာချာ ပြန်ပြီးပွိုင့် လုပ်မှာပါ- အဲ့ဒီ ကော်ပီရိုက်ကြီးက မပန်ဒိုရာ ရေးထားသလိုပဲ ရှုပ်ရှုပ်ထွေးထွေးရှိစဲပါ-

နောက်တခုက ကဗျာပါ- ကျနော်ကဗျာရေးတတ်တယ် လို့လူတွေကမြောက်ပေး.. အဲ ချီးကျူးကြတယ်- အမှန်တော့ ကျနော်ကဗျာရေးတာ ကောင်းတယ် ဆိုတာ တော်တာမဟုတ်ပါဘူး- ကျနော့်နှလုံးသားက ထိလွယ် ရှလွယ် ပွန်းပဲ့လွယ်တာပါ- (အမ်.. တော်ပါတော့ဗျို့ ဆိုတဲ့အသံကြား မိတလိုပဲ.. ဘယ်တူလဲကွ အော်တာ)- ကဗျာရေးခြင်းကို ကာရန်ညီခြင်း မညီခြင်းတွေနဲ့
ဆယ်စုနှစ်နှစ်ခု လောက်တောင် ငြင်းခဲ့ကြတာ အခုထက်ထိလည်း ကိုယ့်အမြင် ကိုယ့်ရပ်တည်ချက်တွေနဲ့ ရှိကြတုန်းပါပဲ- ကျနော်လည်း ကဗျာကို ဘယ်လို ခံစားတယ် ဆိုတာ ပြောချင်ပါသေးတယ်- ဦးစွာ ကဗျာဟာ ကျနော် အကြိုက်ဆုံး အနုပညာ ဖန်တီးမှုလို့ ပြောလို့ရပါတယ်- ဘာဖြစ်လို့လဲ- ကျနော့်အတွက် ခံစားရတာကို လွယ်လွယ်ကူကူ ထိထိရောက်ရောက် ဖော်ပြခွင့်ရလို့ရယ် ကဗျာတခုရေးဘို့ အခြေခံ နည်းပညာလိုအပ် ချက်တွေ မလိုဘူးလို့ထင်လို့ပါ- ဥပမာ သီချင်းတပုဒ်ဆိုရင် မြူးဇစ်သီအိုရီတွေ နားလည်ရပါမယ် မြူးဇစ်ကယ် အင်စတူးမန့် တခုကို တတ်ကျွှမ်းရပါမယ်- နောက်ပိုင်းတွေမှာ ရေးတဲ့ မော်ဒန်ကဗျာတွေမှာတော့ မလိုပါဘူး နည်းစနစ်နဲ့ ရေးရတဲ့ ကာရန်ညီတဲ့ လေးချိုးဒွေးချိုး တွေကတော့ ခန့်ခန့်ထည်ထည် ရှိပါတယ်- ကာရန်နှင့် အနက်လိုက်ဖက်ရင်တော့ အကောင်းဆုံးပေါ့ဗျာ- ဒါပေမဲ့ ခံစားချက်တွေ လစ်ဟ သွားနိုင်ပါတယ်- ဥပမာအားဖြင့် အလှပဆုံးရေးစပ်ထားတဲ့ လေးချိုး ကဗျာတပုဒ်ကို ဘာသာစကား တခုကို ပြောင်းလိုက်တဲ့အခါ သေချာပေါက် အရသာပေါ့သွားပါလိမ့်မယ်- သူ့ရဲ့အဓိက အရည်အချင်းကိုက ဘာသာစကားပေါ် အမှီပြုနေခြင်း လို့ထင်ပါတယ်- နောက်တဆင့် ခေတ်စမ်း လင်္ကာ လိုဟာမျိုးတွေလည်း ကာရန်ညှိခြင်း ရှိပါတယ်-

တနေ့က မအိမ့်စီဘောက်မှာ ကဗျာလေးတွေ ရွတ်ကြတော့ ဟိုတုန်းကတည်းက နုတ်ထဲစွဲနေခဲ့တဲ့ ကဗျာလေး ပြန်ရွတ်မိပါတယ်- ရေးသူတော့ မမှတ်မိတော့ပါ-

တကယ်ချစ်ပေမဲ့.. မတွယ်ရစ်လိုသူပါခင်..
မြိုသိပ်တွယ်ငင် အချစ်ဦးမို့ ..
နစ်စူးစွာချစ်ပေမဲ့ လွမ်းရေးကို ကြိုကာမြင်..
မခင်ပါနဲ့တော့လား..
ဒီတော့ကွယ်..
ဝေဒနာ ရင်မှာ မကျွှမ်းရင့်ရအောင်..
ပန်းပွင့်ကို လိပ်ပြာ မုန်းခဲ့တယ်…
ချစ်သူရယ် … မုန်းမေ့စေသား….

လှလှပပ နဲ့ ကာရန်ထိပြီး အနက်မိတဲ့ ကဗျာလေးပါပဲ- ဒီအကြောင်းအရာ ခံစားချက်ကို ယူပြီး မော်ဒန် ဆန်ဆန် ခံစားရေးကြည့်မိတယ်..

ပန်းကြောက်တဲ့ လိပ်ပြာတဲ့လား..
ငါဟာ ခမ်းခြောက်စွာ စီးဆင်းခဲ့ရတဲ့ ကောင်ပါ..
ပင်လယ်အထိစီးဖို့ အသာထား..
ဟောဒီ အရိုင်းအစိုင်းကျောက်ဆောင်တွေကြား..
ဟိုရောက်ဒီရောက်နဲ့..
ငါ့ရေနဲ့ငါတောင် မလောက်ဘူး..
နွေရယ်… ဥတုသုံးလီထဲ..
မင်းဘာလို့များပါနေတာလဲ…..

ဒီလိုရေးဖို့အတွက် ကျနော်ဟာ ကာရန်စနစ်တွေ နည်းပညာတွေ ကို ပူးပေါင်းတွက်ချက်မှုမပါတော့ ပါဘူး- ခံစားချက် သက်သက်ပဲ အပြည့်အ၀ ထည့်သွင်းခွင့်ရပါတယ်- မျက်စိမှိတ် စိတ်ကိုလွတ်လွတ်လပ်လပ် ထားပြီး ရွတ်ဖတ်လို့ ကောင်းမဲ့ စာရတာနဲ့တင် ရေးဖွဲ့ခွင့်ရပါတယ်- မော်ဒန်ကဗျာရဲ့ အဓိကအချက်က ကျနော့အတွက် အဲ့ဒီကိစ္စပဲ ဖြစ်ပါတယ်- ပို့စ်မော်ဒန် လိုကဗျာမျိုးကြတော့ မော်ဒန်လို ပေါင်းစပ် ခံစားခြင်းတွေ မရှိတော့ပဲ ရိုးစင်းစွာ ရေးဖွဲ့ခြင်းနဲ့ အရှိအတိုင်းခံစားခြင်း အမှန်တခုကနေချည်းကပ်ခြင်း ဖြစ်လာတယ် လို့ ကျနော်ခံစားပါတယ်- ဓမ္မကျမှုကို ကျောထောက်နောက်ခံပြု၍ အရိုးစင်းဆုံး ဖော်ပြလာတယ် လို့ထင်ပါတယ်- ဒဿနဆန်ခြင်းတွေကို ထည့်သွင်းလာတယ် လို့နားလည်မိပါတယ်-

ကျနော်သည် လိပ်ပြာတကောင် ဖြစ်ခဲ့သည်ဆိုပါက ပန်းပွင့်တို့နှင့် ဝေးရာ၌ ပျံသန်းနေမိသည်-
ပန်းဝတ်ရည်တို့သည် လိပ်ပြာ၏ အဟာရဖြစ်သဖြင့် လှပစွာမ၀ဲပျံနိုင်ခဲ့-
စမ်းချောင်းတခု ဖြစ်ခဲ့သည် ဆိုပါက ကြမ်းတမ်းစွာ စီးဆင်းနေခဲ့မိသည်-
နွေဥတုထဲမှာ စီးဆင်းရခြင်းဖြစ်သဖြင့် ပင်လယ်ထဲထိရောင်အောင် တဟုန်တိုးမစီးဆင်းနိုင်ခဲ့-
ထို့ကြောင့် ပါးလျနွမ်းခ စွာ ခရီးဆက်သည်-
ရင်ခွဲနာကျသွားသော လိပ်ပြာတကောင်မဖြစ်ချင်၍ ဖြစ်သည်-
ရေငတ်သေသော စမ်းချောင်းတခု အဖြစ် မစီးဆင်းချင်၍ ဖြစ်သည်-
သို့သော် သူမအတွက် ခပ်ဟဟသာ ပြောနိုင်တော့မည့် စကားတခွန်း ရှိပါသည်-
ကျနော်သည် ပန်းမကြိုက်သည့် လိပ်ပြာမိုက်တကောင် တော့ မဟုတ်ပါ .. ဟု-

အထက်ကရေးခဲ့ တဲ့ကဗျာ တွေဟာ အကြောင်းအရာ အားဖြင့် ခံစားမှုအားဖြင့် အတူတူပါပဲ-ပထမအမျိုးအစားက ကျနော်ရေးတာမဟုတ်ပေမဲ့ ဒီလိုကဗျာရေးဖို့အတွက် ကာရန်သင့်အောင် စဉ်းစားရခြင်းဟာ အဓိကအချက်အနေနဲ့ ပါဝင်ပါလိမ့်မယ်- ဒုတိယအမျိုးစားရေးဖို့ အားလုံးကို လွတ်ချပြီး လွတ်လွတ်လပ်လပ်နဲ့ ပြောရရင် စိတ်ထဲဖြတ်ကနဲ ပေါ်လာတာကို ခံစားရေးချခြင်း ဖြစ်ပါတယ်- တတိယအမျိုးအစား ကျတော့ ဒုတိယလိုပဲ လွတ်လွတ်လပ်လပ် ပါပဲ- တခုပိုတာက ဖြစ်ခြင်းပျက်ခြင်း လိုမျိုး သဘောတရားရေး ရာတွေပါ ရောယှက်လာပါတယ်-

အခုလို ရေးလို့ ကျနော်ဟာ မော်ဒန် ပို့စ်မော်ဒန်တွေကို ခွဲခြမ်းစိတ်ဖြာနိုင်တယ် လို့မထင်ပါနဲ့- ကျနော့်တယောက်ထဲအတွက်ပဲ ဘယ်လိုခံစားလည်း ဆိုတာ ပြောတာပါ- ကျနော့်အတွက်တော့ နည်းစနစ်တွေကို ဖတ်တော့ဖတ်ပါတယ် ဒါပေမဲ့ ကဗျာတပုဒ်ကို ကဗျာတပုဒ်အဖြစ် ခံစားတာထက် မပိုပါဘူး- ကဗျာရေးရင်လည်း အားလုံးကို ခေါင်းထဲမှာ မတွက်ချက်ပဲနဲ့ ခံစားရတဲ့ အတိုင်းပဲရေးမိပါတယ်- အနုပညာတွေမှာ အဓိကအရည်အသွေးတခုဖြစ်တဲ့ ဟိုက်အတ်လို့ခေါ်မယ်ထင်တယ်- ခံစားသူအတွက် ကြိုက်သလို ဆွဲတွေး၍ ခံစားခြင်းလည်း နည်းနည်း ကျနော် ဘယ်လို ခံစားလည်းပြောပါဦးမယ်- အဲ့ဒီအတွက် ကျနော် ဟိုက်ကူကဗျာ လေးတခုအကြောင်း ပြောချင်ပါတယ်-

Matsuo Basho^ : Frog Haiko ပါ-

Furu ike ya >>>>> Old Pond!
Kawazu tobikono >>>>> Frogs Jumps in
Mizu no oto >>>>> water’s sound

Translated by Alan Watts-

The old pond,
A frog jumps in:
Plop!

Translated by Dorothy Britton-

Listen! A frog
Jumping into the stillness
Of an ancient pond!

တာရာမင်းဝေ ဘာသာပြန်-

အိုင်အိုကြီးပါလား-
ရွှေဖားခုန်ဆင်းသွား-
ပလုံရေသံကြား-

ကျတော့်ခံစားချက်-

မိုက်လိုက်တဲ့ဖား-
အိုင်အိုထဲကိုမှ ဆင်းသွား-
ရေသံမှတပါး မကြား-

အသီးသီး ဘာသာပြန်တာတွေကို ဖတ်ကြည့်ရင် ကွဲပြားတဲ့ ဘာသာပြန်ဆိုချက်တွေကို တွေ့နိုင်ပါတယ်- စာဖတ်သူသတိထားမိမှာပါ- ကျနော် ရေးလိုက်တဲ့ အချက်က ဘာသာပြန်ဆိုတာထက် ကျနော့်ရဲ့ အတွေးကိုပဲ ဆွဲယူလိုက်ပါပြီ- နောက်တဆင့်ဖတ်မဲ့ သူအတွက် လိုရာဆွဲလို့ရမဲ့ အနုပညာ မပါသလောက် နည်းသွားပါပြီ- ကျနော့်တယောက်ထဲရဲ့ အမြင်ဖြစ်သွားပါပြီ- အပေါ်က ကဗျာဆရာတွေ က ကဗျာဆရာတွေ လိုပဲ ဆက်ခံစားခွင့် ရအောင် ပြန်ဆိုကြပါတယ်- ကျနော်က ဒီနေရာမှာ ကဗျာရေးသူအနေနဲ့ မဟုတ်ပဲ ကဗျာဖတ်သူ တယောက်အနေနဲ့ ပြန်ဆိုထားခြင်းပဲ ဖြစ်ပါတယ်- အဲ့လိုပါ ကဗျာတွေကို ဘယ်လိုခံစားမိတယ် ဆိုတာပြောချင်တာပါ-

ကဲဗျာ.. ဆက်စပ်တွေးတောမိတာတွေက ဆက်ရေးရင် ပြောမဆုံးပေါင် တောသုံးထောင် ဖြစ်ပြီး ကုန်းဘောင်ခေတ်ကို ပြန်ရောက်လို့ ကိုဒီဝိုင်းနဲ့ တွေ့နေပါဦးမယ်- ကျနော့်အတွက်တော့ ဘလော့ရေးရတာ အရသာရှိတဲ့ ထွက်ပေါက်တခုပါပဲ- ဆက်တိုက်မရေးနိုင်တာတော့ ခွင့်လွတ်ပါ- ဘလော့တွေဖတ်ရတာလည်း အင်မတန်နှစ်သက်ပါတယ် အနုပညာ မဆန်လို့ စာရေးမကောင်းလို့ ဆိုပြီး တချို့တွေက ကိုယ့်ကိုယ်ကို ထင်နေပေမဲ့- စိတ်ထဲမှာ ရှိတဲ့ အရာတွေ.. ခံစားရတာတွေကို ရိုးသားစွာ ချရေးခြင်းဟာ လူသားတွေရဲ့ ဖန်တီးမှုမပါတဲ့ (တမင်တကာလုပ်ထားခြင်းမဟုတ်သော) အလှပဆုံး အနုပညာ မဟုတ်လားဗျာ- ဘလော့ရေးတဲ့ သူတွေအားလုံးရဲ့ စာတွေကို ကျနော်နှစ်သက်ပါတယ်-

Tesla

မှတ်ချက်- အနုပညာ မဆန်တဆန် အမှန်အကန် အံချခြင်းဖြစ်သဖြင့် အံဖတ်များထဲတွင် ညှီစို့စို့ အနံ့တချို့ ပါဝင်နိုင်ပါသည်- အံဖတ်များကို တာဝန်ခံ ကြုံးပေးမည့် သူမှာ ဂျစ်တူး ဖြစ်ပါသည်- အဘယ့်ကြောင့်ဆိုသော် အံဖတ်များများ နှင့် ပို့စ်ရေးပါ ဟု ဟိုတနေ့က သူ တောင်းဆိုသောကြောင့် ရေးမိခြင်းဖြစ်သည်- ဘလော့မိတ်ဆွေများ ဖတ်ဘ်ို့ အတွက်ဖြစ်ပါသည်- အံချလိုက်စမ်း အံချလိုက်စမ်း ဟုကျောကုန်းကို ခဏ ခဏ ဇွတ်လာလာနှိပ်ကြသော ဂျစ်တူး ဘာညာ နှင့် ဒေါင်းကြီးတို့ ကြုံးဘို့ဖြစ်သည်- ကဲ ကြုံးပေတော့…. တို့ကတော့ မူးနေတယ် အိပ်ပြီ..

Simple Way to Contribute

Hello Friends,

On 20th MAY, a candle lighting ceremony will be held at Seinn Lann So Pyay. This event is in the memory of the HIV/AIDS victims who have died during past 26 years of it's existence.

Prayers will be made by Four Religions (Buddhist, Christian, Hindu andIslam) and candles will be lit and set adrift into the lake of Inya. Every year, many people die of AIDS, many babies are born with the disease and more and more children become orphans.

HHHP ( Happy Haven Humanitarian Project ) helps take care of the children in such situations, nourishing ,caring and bringing some happiness into their lives. As number of children start to increase, the project needs a new building to accommodate them all.

To encourage the HHHP team's work, and to contribute in our own way, we have come up with the simple idea to sell T-Shirts from today, till end of MAY. We will also be selling them at the ceremony.

All profits from the sale will go directly to the building of the new establishment. With price fixed at MMK 2,600/- , we look forward to your participation. We would also appreciate if you could kindly fwd the mail to those who may be interested.

Two colour options for the T-shirts ( Black / White ), size ( Medium/ Large/ Extra Large ). The shirts are at printing process, so, we have attached below the design in advance. Friends who wish to contribute for the new building, without buying T-shirts are most welcome to do so.

Dear friends....
Lets support the HHHP team's work by wearing the T-shirt!!
Lets make a difference in our society!

Please kindly contact us:

Thi Thi Thein (Home: 500 008/Office: 255 430/ 431/449)
Aung Su Yi 534-142
Htun Win Min 951-27182
Khin Maung Htay 951-49216
Minn Thu 229-280; 223-043; 221-927 Ext:(14)/ 95-951-91812 (out of office
hour)
Phyo Zaw Aung 950-17059
Than Win 951-72106
Thein Aung 951-00928