Saturday, January 27, 2007

Falling-Star

ဆရာတင်မိုးသို့

-ဆေးလိပ်လည်းတို နေညိုသော်ငြား
တို့ပြည် တို့ရွာ တို့ဌာနီကား
ပြိုမြဲ ပြိုစဲ ပြိုလတည်း ပင်.....

-သို့ပါသော်လည်း
တာဝန်ကျေပွန် ပြည့်အကျိုး ထမ်းပိုး
ဆရာတင်မိုး သို့
အိမ်ပြန်ပို့ခိုက် မှာ လိုက်ချင်သည်
ကျနော်တို့ ဆက်၍ ထမ်းပါမည်.....

-ခရီးမှတ်တတ် လမ်းခုလတ်၌
ကိုယ်လွတ်ရှောင်ခွာ
ခွဲရသည်ဟု မထင်စေလို ဆရာအိုကို
ထပ်မှာချင်သည်
ဖြောင့်တန်းစွာပင် သွားပါလေ.....
ဆရာ...
ကောင်းရာသုဂတိ လားပါစေ.....

Tesla

ကြယ်တွေကြွှေတာ မဆန်းပေမဲ့-
အလင်းပေးနေတဲ့ ကြယ်တလုံး ကြွှေကျတာတော့ နှမြောလှတယ်ဗျာ

Monday, January 22, 2007

My Hopes (one)

တံငါသည်

ဝုန်း ..ရှဲ… ရှဲ……. ၀ုန်း ..ရှဲ… ရှဲ….….

လှိုင်းများသည် ကမ်းပါးရံ သို့ စီးချက်ကျစွာ ရိုက်ခတ် လျက်ရှိသည်-

လေများက မြစ်ကမ်း ဘေးမှ သစ်ပင်များကို ယိမ်းနွဲ့စေ၍ သစ်ခက် သစ်ရွက်

များသည် အချင်းချင်းပွတ်တိုက်ခါ သဘာဝဂီတ တခုကို ဖော်ကြူးနေကြသည်-

ထိုလေ များသည် ကြည်လင်သော မြစ်၏ကြမ်းပြင် အား ဖြတ်ကျော် တိုက်ခတ်

လာသောကြောင့် လတ်ဆတ် လွန်းလှသည်-

ရေနှင့်စုန်သွားသော ဖောင် လေနှင့်စုန်သွားသော ရွက်လှေ နှင့် ရေစုန်ရေဆန်

လေစုန်လေဆန်ကို ဂရုမစိုက်သော စက်လှေ တချို့တို့ကိုလည်း အသက်ဝင်

နေသော ပန်းချီကား တချပ် အလား မြင်နိုင်ပါသည်-

နေရောင်ခြည် များက ထိုပန်းချီကား ကို ရုပ်လုံးကြွှလာ စေရန် ဆလိုက်ထိုး

ပေးထားသည်နှင့်ပင် တူ နေသေးသည်-

ထိုနေရာ သည်ကား မိခင်ကုန်းမြေမှ နို့ရည်ထုတ်ပေး လိုက်သဖြင့်

မင်းဝံတောင်ကြောဘေး၌ ရစ်ခွေကာ စီးဆင်းနေသည့်

မြစ်ဧရာ၏ ကမ်းစပ်တခု ပင် ဖြစ်ပေသည်-

....................

သို့သော် ထိုအလှအပ များမှာ သူနှင့်မဆိုင် သည့်အလား မြစ်ကမ်းဘေး၌

တိတ်ဆိတ်ငြိမ်သက်စွာ ထိုင်နေသူ တယောက်ရှိသည်-

ထိုသူမှာ တံငါသည် တယောက်ဖြစ်ပါ သည်-

ဝမ်းနည်းစရာကောင်းသည်မှာ ထိုတံငါသည် သည် ကလေးတယောက်

ဖြစ်နေခြင်းပင်-

....................

တံငါသည်လေး၏ မျက်စိများသည် ပန်းချီကားချပ် ထဲ၌ ရှိမနေသည်မှာ

သေချာပါသည်-

သူ၏ အမြင်အာရုံမှာ နိုင်လွန်ငါးမျှားကြိုး နှင့် ဆက်သွယ်ထားသည့် ရေပေါ်၌

ပေါလောပေါ်နေသော ဖော့တစ်ခု၌ တည်ရှိနေသည်-

ထိုဖော့ကလေး လှုပ်ရှားလာခြင်း သည် သူ၏ရည်မှန်းချက် ဖြစ်သည်-

သူ၏စိတ်များ ကိုလည်း ပတ်ဝန်းကျင်၌ လွင့်မြော မနေစေပါ-

ငါးတကောင် အစာကို လာဟတ်လျှင် ဒုတ် .. ဒုတ် .. ဒုတ် . ဒုတ် .. ဟု လက်မှ

ခံစားရလာမည့် အတွေ့အာရုံ သည် သူ၏ မျှော်လင့်ချက် ဖြစ်သည်-

ငါးမျှားတန် ကိုင်းညွှတ် သွားလျှင် လျင်မြန်စွာ ဆွဲတင်နိုင်ရန်

အဆင်သင့် ပြင်ထားသည်-

သူ၏ ပန်းတိုင်မှာ ငါးတကောင်သည် သူ့ငါးမျှားတန်၌ ပါလာရန် ပင်ဖြစ်သည်-

....................

တဖြည်းဖြည်း နှင့် အချိန်တွေကုန် လာသည်မှာ

နေမင်းကြီးသည်ပင် ထိုတရက်ကို နုတ်ဆက်ရန် ဟန်ပြင်နေပြီ-

ငါးများသည်လည်း ငါးသီတံ ၌ချိတ်ဆက်ထားသည်မှာ

တော်တော်ပင် များနေပေပြီ-

တံငါသည်လေး၏ မျှော်လင့်ချက်များမှာ ထိုနေ့အတွက် ဖူလုံနေပြီ-

ထိုအချိန် ကြမှသာ သူသည် ပတ်ဝန်းကျင် အလှပကို ခံစားနိုင်တော့သည်-

သူ၏ ပတ်ဝန်းကျင် ခံစား မှုမှာ လတ်ဆတ်သောလေကို တ၀ကြီး

ရူသွင်းလိုက်ခြင်းပင်-

ထို့ထက်ပို၍ မခံစားတတ်-

သူ၏စိတ် ကိုလည်းလွှတ်လပ်ခွင့် ပေးလိုက်သည်-

ထိုအခါ အတွေးတို့သည် အိမ်မှ ထွက်လာသော မနက်ခင်းစီသို့ နစ်ဝင်စီးမျော

သွားပါတော့သည်-

....................

“ မေမေ- သားဒီနေ့ သူငယ်ချင်းနဲ့ ငါးမျှား လိုက်သွားဦးမယ် “

အကြိမ်ကြိမ် တားထားသည့် ကိစ္စ မှန်းသိလျက်နဲ့ ကျနော်အရဲစွန့်၍

ပြောလိုက်သည်-

ထိုအခါ မေမေသည် ပုစ္စာပေါင်းမြောက်များစွာ ကိုတပြိုင်နက်

တွက်ချက်တော့သည်-

ကျနော်ဥာဏ်မှီသလောက် ခန့်မှန်းမိသည့် ပုစ္စာ တချို့မှာ-

-ငါးများနှင့် ဆန်နို့ဆီဘူး နှစ်လုံးတို့၏ ဖလှယ်ရ ဂုဏ်သတ္တိ

-ကလေးတယောက် အတွက် အသားဓါတ် ငါးဓါတ် မရရှိခြင်း သည်

ရက်ပေါင်းမည်မျှအထိသာဖြစ်သင့်ပါသနည်း

-ကုသိုလ်နှင့် အကုသိုလ် တို့၏ ဖက်စပ် မရ ဂုဏ်သတ္တိ

ထို အပ်ကြောင်းထပ် ပုစ္စာ များနှင့် မဖြေရှင်းနိုင်တော့သည့် အတွေးများက

ေ၀၀ါးသော အဖြေတစ်ခုသာ ထုတ်ပေးလိုက်သည်-

သေချာသည်မှာ ထိုအဖြေထဲ၌ အဝေးကြီး လှမ်းကြည့်ရန် အင်အားမရှိတော့၍

ပစ္စုန်ပ္ပန် ကိုသာကြည့်ခြင်း၊ နောက်နေ့အတွက် လိုအပ်မည့် စားစရာ၊

လက်မြောက်အရှူံးပေးလိုက်ရသော ဆင်းရဲမှူ စသည့် သက်သေပြချက်များ

ပါဝင်နေမည်ကိုမူ ကျနော်သိထား ပါသည်-

“ သားလေးဂရုစိုက်ပြီးသွားနော် “

ကျနော်ထွက်လာ သောအခါ မေမေသည် မျက်နှာတဘက်လွှဲကာ

ထိုကဲ့သို့ ပြောပါသည်-

မေမေ မျက်ရေ၀ဲနေ မည်ဆိုတာကိုတော့ ရိပ်မိပါသည်- ကွယ်လွန်သွားပြီဖြစ်သော

ဖေဖေ့ကို တမ်းတ နေခြင်းလည်းဖြစ်နိုင်ပါသည်-

....................

တံငါသည်လေး သည်ကြေကြေကွှဲကွှဲ တစ်ချက်ပြုံးလိုက်သည်-

ကြေကွှဲစွာ ဆိုသည်မှာ

သူ့အတွေးများကြောင့်ဖြစ်သော်လည်း

ပြုံးလိုက်ခြင်း မှာကား

သူ၏မျှော်လင့်ချက် များမှာ

လိုသည်ထက်ပိုကာ ငါးသီတံ၌ အစီအရီ ချိတ်ဆက်ထားပြီးသောကြောင့်ဖြစ်သည်-

“ ဟေ့ကောင်- ပြန်ကြမယ်ဟေ့ “

ခပ်လှမ်းလှမ်းတွင်ရှိနေသော သူငယ်ချင်းအားလှမ်း အော်လိုက်သည်-

“ အေး “

သြော်- သူလည်းပဲ မျှော်လင့်ချက်များကို သီတန်းပြီးသား ဖြစ်ပေလိမ့်မည်-

ရုတ်တရက် ဂျွတ်.. ဂျွတ် … ဂျွတ်ဂျွတ် ဟူသော အသံတခုကြားလိုက်ရသည်-

လုံးဝမထင်မှတ်ထားသော ကိစ္စ တစ်ခုဖြစ်လာပါသည်-

တောတန်းကမ်းပါးရံ မှ ငါးပွက်ရာ ငါးစာချ ဟူသော ဥပဒေသ အတိုင်း လိုက်ခဲ့၍

ညနေပိုင်းတွင် လူနေအိမ်ခြေ နှင့် နီးကပ်သောနေရာ၌ ငါးမျှားနေသော

တံငါသည်လေးသည် မနက်ခင်းအတွေးများကြောင့်

သတိလက်လွှတ်ဖြစ်သွားပါသည်-

အသံကြား၍ လှဲ့ကြည့်လိုက်သောအခါ ၀က်တစ်ကောင်သည် ငါးသီတံ၌ ရှိသော

နောက်ဆုံး ငါးတကောင်ကို အစားပိတ်အဖြစ် မြိန်ဆက်စွာ ၀ါးနေသည်ကို

တွေ့လိုက်ရသည်-ရင်ထဲ၌ဟာသွားသည်-

ဝက်ကိုမုန်းမုန်းတီးတီး စိုက်ကြည့်လိုက်သည်-

နောက် အံကြိတ်၍ မျက်လုံးအစုံကို မှိတ်လိုက်သည်-

မျက်ရေစ တချို့ ပါးပြင်ပေါ်သို့ ကျလာသည်-

တံငါသည်လေး၏ မျက်ရေစတို့ ကိုနှစ်သိမ့်ရန် ငါးတချို့ခွှဲပေးခဲ့သည့်

သူငယ်ချင်း၏

ချစ်ခြင်းမေတ္တာ များဖြင့်ထိုတရက်သည် တိတ်ဆိတ်စွာပြီးဆုံးသွားခဲ့တော့သည်-

....................

ထိုနေ့က ၀က်တကောင်သည် ငါးများကို ညနေစာအဖြစ် မြိန်ရှက်စွာ

စားသုံးသွားသည်-

သူ မသိ သည်မှာ ထိုညနေစာထဲ၌ ကလေးတယောက်၏ မျှော်လင့်ချက် များပါ

ရောပါသွားသည် ဆိုသည့် အချက်ပင်-

ဧရာဝတီ သည်ယခုတိုင် စီးမြဲစီးစဲ ဖြစ်ပါသည်-

မြစ်အတွင်း၌ ထင်ဟပ်နေသော လမင်းကြီး မှာကား လှိူင်းများကြောင့် လှုပ်ရန်း

နေနိုင်သော်လည်း ခေါင်းမော့ကြည့် လိုက်ပါက တည်ငြိမ်စွာ အလင်းပေးနေ

သည်ကိုတွေ့ နိုင်ပါသည်-

ဝင်းပမြဲ ၀င်းပလျက်ပါ-

Tesla

Wednesday, January 17, 2007

Place







-ဦးတည်ပျံသန်းရမဲ့ နေရာသိတယ်

-ပြာလဲ့လဲ့ ကောင်းကင်ရှိတယ်

-လမင်းကြီး လည်းကြည့်နေတယ်

-မှောင်နေတဲ့ အခါ ခဏအနားယူနိုင်တယ်

-အဲ့ဒီအခါ

အရာင်အသွေးဆုံတဲ့ လမင်းကြီးက

မင့်ကို အားပေးလိမ့်မယ်

-ဘာလိုသေးလည်းကွယ်

-ခရီးဝေးလှတယ် ဆိုပေမဲ့

-ငြိမ်းချမ်းတဲ့ တနေရာ အတွက်

-အနှောင်အဖွဲ့တွေ မလိုချင်နဲ့

-တကောင်ထဲပျံ ရတာ လွတ်လပ်ပါတယ်

-ကဲ- မင့်အတောင်ပံတွေ ဖွင့်လိုက်တော့ ငှက်ငယ်-

Tesla

Monday, January 15, 2007

Strangeness

နေသည် အရှေ့မှထွက်၍ အနောက်သို့ဝင်သည်-
သိပ်တော့ မထူးဆန်းပါ-
နေထွက်ရာအရပ်ကို အရှေ့ ဟုသတ်မှတ်၍ နေ၀င်ရာ
အရပ်အား အနောက်ဟု အမည်ပေး ထားခြင်းကြောင့်သာ ဖြစ်မည်-
(နေထွက်ရာ အရပ်အား အနောက် ဟု လူညီလျှင် အမည်ပေး၍ ရသည်-
ထိုအခါ အရှေ့အရပ်၌ နေ၀င်လိမ့်မည်)

လူသားတယောက် မွှေးဖွားလာသည်-
သိပ်တော့ မထူးဆန်းပါ-
သံသရာလည် ခြင်းထဲမှ ဖြစ်စဉ် တခုသာ (သို့မဟုတ်) ဖန်ဆင်းခြင်း နှင့်
ကယ်တင်ခြင်းကြား တွင် ကြားညှပ်ခြင်းသာ ဖြစ်မည်-

အစားအစာ ၀ါးစားပါ- ကလေးများ စာသင်နေသည်-
သိပ်တော့ မထူးဆန်းပါ-
အစာကို ကြေညက်စွာ ၀ါးစားတတ်စေရန် သင်ပေးခြင်းသာ ဖြစ်မည်-
( အသက်ကြီးသည် အထိ အစာမကြေအောင် စားသော သူများရှိနေသေးသည်မှာ
ဝမ်းနည်းစရာ ကောင်းပါသည်- ထိုသူများအား သူငယ်တန်းမှ စ၍
စာနောက်တခေါက် ထပ်သင်ခိုင်းသင့်သည် )

ကျနော် ဟိုတုန်းက အသည်းတခါ ကွဲဘူးပါသည်-
သိပ်တော့ မထူးဆန်းပါ-
အသည်းနုခဲ့ သောကြောင့်သာ ဖြစ်မည်-
(ကြုံလျှင်တော့ နောက်တခေါက်လောက် အသည်းထပ်ကွဲကြည့် ခြင်ပါသေးသည်)
( အသားလွတ် ထည့်ထားသော အပိုဒ် ဖြစ်သည့် အတွက် ကျော်ဖတ်သွားပါက ပို၍ မထူးဆန်းပါ )

အိပ်စ် မျိုးဆက်မှ လူတယောက် ကို ၀ိုင် မျိုးဆက်ကဲ့သို့ လိုက်နာနေထိုင်ရန်
လုပ်ငန်းရှင်တယောက် ကညွှန်ကြားသည်-
သိပ်တော့ မထူးဆန်းပါ-
၎င်းလုပ်ငန်း၏ စားသုံးသူ ဖောက်သည်များသည် ၀ိုင် မျိုးဆက် ဖြစ်ခြင်းကြောင့်သာ
(သို့မဟုတ်) ထိုလုပ်ငန်းရှင် သည် စီးပွားရေး သမားဖြစ်ခြင်းကြောင့်သာ ဖြစ်မည်-
(စီးပွားပါရမီ ဟုမရှိသော်လည်း စီးပွားရေးကို အကုသိုလ် ဖြစ်လောက်အောင်
ရှာသူများရှိသည်- ထိုသူများကို မိန်းခလေး တော်တော်များများ ကနှစ်သက်သည်)

အိမ်အပြင် မထွက်ရသူ တယောက်ရှိသည်-
သိပ်တော့ မထူးဆန်းပါ-
အိမ်အပြင် မထွက်ရဲသူ တယောက်ကြောင့် ဖြစ်သည်-
(သို့မဟုတ်) ထိုမထွက်ရဲသူသည် ကြောက်တတ်သူ တယောက်ကြောင့်သာ ဖြစ်မည်-
( စကားပုံတချို့ ပြန်ပြင်သင့်သည် ဥပမာ- ကြောက်ရဲလျှင် မင်းဖြစ်)

ဂျူးများစွာ အသတ်ခံရသည် လူများစွာ တရက်ပြီးတရက်သေသည်-
သိပ်တော့ မထူးဆန်းပါ-
မင်းတို့သွားနှင့်ကြ ငါတို့နောက်က လိုက်ခဲ့မည်-
ပြီးလျှင် အတူတူ ပြန်လာ၍ သံသရာထပ်လည်ကြမည်-
( ခဏ ခဏ .. ခဏ ခဏ.. မေ့... ထား )

သံသရာမှ လွတ်မြောက်ရန် လူတချို့ ကြိုးစားကြသည်-
သိပ်တော့ မထူးဆန်းပါ-
ထိုလူများသည် လူ့ဘ၀၏ ပန်းတိုင်အစစ်သို့ သွားခြင်းသာ ဖြစ်မည်-

သို့သော် ထူးဆန်းသော ကိစ္စ တခုရှိပါသည်-
၎င်းမှာ အထက်ပါ မထူးဆန်းသော အဖြစ်ပျက်များကို
ထူးဆန်းအောင်စဉ်းစားကြ ခြင်းဖြစ်သည်-
ကျနော့်အတွက်မူ ထိုသို့ ထူးဆန်းလာအောင် စဉ်းစားရန် ပျင်းသည်-
နောက်ထပ် အချက်လက်တခု အဖြစ် ခင်ဗျားမြင်နိုင်ပါသည်-
၎င်းမှာ ထိုကဲ့သို့ စဉ်းစားရန် ကျနော် ဥာဏ်မမှီ -----

Tesla

အိမ်အပြင် မထွက်ရသူ တယောက်ရှိသည်-

အိမ်အပြင် မထွက်ရဲသူ တယောက်ကြောင့် ဖြစ်သည်-
ထိုစာကို (ကို)နှင်းခါးမိုး ၏ကဗျာမှ ခဏငှားထားခြင်းဖြစ်သည်-
ပြီးလျှင် ပြန်ပေးပါမည်-
ဤစာသည် ကျနော့်၏ နောက်ဆုံးတဂေါက် ဟုမျှော်လင့် မိပါသည်-

နောက်ပို့စ်များ ၌ မဂေါက်မိအောင် ဂရုစိုက် ရေးပါမည်-
ထို့အပြင် ဆရာ ဇော်ဇော်အောင် ၏စာများဖတ်မိ ၍ရေးမိပါသောကြောင့်
ကျနော်ဂေါက်ခြင်း သည်ထိုစာရေးဆရာ ကြောင့်ဖြစ်သည်-

Monday, January 08, 2007

Risk To Witch

-ဆုံးမသင့်ရဲ့နဲ့ မဆုံးမနိုင်ခဲ့တဲ့ စုံးမ..

-ခဏ ခဏ ကြားခဲ့ရတဲ့

ဆက်သွယ်မှူဧရိယာပြင်ပ..

-နေခြည်တွေဖိတ်ကျ

သိပ်လှတဲ့ ညနေခင်းတွေလည်း ငါမခံစားရ..

-ည

တော်တော်များများက အိပ်မရ..

-ပြုတ်ကျ

အုံး ခနဲ ပြုတ်ကျ..

-အသုံးမကျ

စုံးမ ရဲ့အလှထဲက ရုန်းမရ..

-အော်.. ငါ့မှာလည်း ဒုက္ခ…..

---------x----------

-ဒီမှာ မင့်ရဲ့ ပရမ်းပတာ မျှားချက်ထိလို့ အောက်ပြုတ်ကျသွားတာ

ငှက်မဟုတ်ဘူး အဲ့ဒါ ငါ့နှလုံးသား. (ဟိုက် ရှားဘား)

-အုံး ခနဲ သွေးသံရဲရဲ နဲ့ ပြုတ်ကျသွားတာတောင် မိုက်မဲလှတဲ့

အတောင်ပံတစုံ က တဖြတ်ဖြတ်ခတ်တုန်း (ငတုန်း)

-စုံးမကို မဆုံးမနိုင်ခဲ့တော့ အဲ့ ဒီအထပ်ထပ်ပြန်ရှင်လာ တဲ့

မိုက်ရူးရဲ အတောင်ပံ တွေကိုပဲ ငါ အရှင်လတ်လတ်

မြေမြုပ်ပြစ်ခဲ့တော့တယ်.. (အာမင်)

Tesla


ဟဲဟဲ အရင်ပို့စ် ဂေါက်ထားတာရဲ့ အဆက် နောက်တဂေါက်.

လွန်ခဲ့တဲ့ လေးငါးနှစ်က ဟာကို ပြန်ခံစားထားတာပါဗျာ..

ကိုလေးဖြု သီချင်းကြားဘူးတယ်မလား..( အခုချိန်ထိ ချစ်ရမှာလား

ရှက်စရာကောင်းတယ် - စိတ်ကူးရင်တဲ့အရွယ် မဟုတ်တော့လည်း..

သိပ်ခက်တယ် အား အန်း အန်.. ) ဆိုတာလေ တက်စ်လာ ကြီးအသည်း

ကွဲနေတယ်ဆိုပြီး စွပ်စွဲနဲ့..

------ X -------

စကားမစပ် ဗျာ ကျနော်ဘယ်သူ့ကိုမှ ခွင့်မတောင်းပဲ လင့်ခ်တွေ

ချိတ်လိုက်တယ် ဒီကနေပဲ ခွင့်တောင်းလိုက်ပါတယ် ခွေးလွတ်ပါတော့ ..

သဘောမတူသူများ ကျနော်ပြန်ဖြုတ်ပေး ပါ့မယ်..

Tuesday, January 02, 2007

2007

>>သေနေတဲ့ ငါ့ဘူတာမှာ အချိန်ရထားများသာ

တရွေ့ရွေ့ ခုတ်မောင်းသွားကြ..

>>ကံဆိုးခြင်း ကုန်ရထားထဲက တန်ဖိုးရှိမယ် ထင်တဲ့ဟာသာ

ခဲရာခဲဆစ် ထုတ်ယူခဲ့ရ..

>>အဲ့လိုနဲ့ နှစ်ထောင့်ခွန် အ၀င်ည

သူများတွေ ကကြ ခုန်ကြ

ငါ့အနားမှာ တော့ ကြယ်များသာ ခစားကြ.. (ငါ့ကိုယ်ငါ)

>>ဟော နားထောင်စမ်း ဟက်ပီးနယူးရီးယား တွေ

ငါ့အနားနားက..

ကွေ့ဝိုက်ပြီး ထွက်ခွာသွားကြ..

အခုချိန်ထိ ငါ့ နောက်ဆုံးရထားကို ငါမတွေ့ရ..

တောက် -x+=ေ xxာ က် +-x အ xိုး ရ x+-..

Tesla :P

 
Online -------> hits