Free From Suffering

အဆင့် (တစ်)

အဲ့ဒီရက်တွေပေါ့
ဖွဲဖွဲလေးဆို ငါမပြောပါဘူး
ခုတော့ ငါ့တယောက်ထဲကို ပဲ
သည်းသည်းမဲမဲ ရွာခဲ့တာတော့ လွန်တယ်-

စိတ်သွားတိုင်း ကိုယ်ပါရင်
လက်ထဲက
ဘီယာခွက်တွေ အမှုန့် ဖြစ်ခဲ့တာ
ရေလို့တောင်မရဘူး-

ညာသံပေးပြီး ဟန်ရေးပြမနေနဲ့
ကဆုန်စိုင်း ပြီး တိုးဝင်ပြစ်လိုက်စမ်းပါ
အဲ့ထဲမှာ သံချပ်ကာ ၀တ်ထားလို့
သူရဲကောင်းလို့ ကြေငြာရဲတာပဲ ရှိတယ်-
ဒီလိုကြေးဆို
ငယ်ငယ်ကထဲက
ငါ့လက်မှာ သတ္တိဆိုပြီး
ဆေးမှင်ကြောင် ထိုးခဲ့မှာပေါ့-

အော်-
ဆုံးရှုံးလွန်းလို့ ထတော့မယ်ဆိုမှ
ခြေထိုးခံရလို့ အတုံးအရုန်း ကျပြန်တယ်
ဟုတ်တယ်
ဝုန်းကနဲ ထ ရပ်လိုက်တာကိုက ငါမှားတာ-

အသုံးမကျပုံများ
သိသိနဲ့
တမျိုးပြီးတမျိုး နှိပ်စက်တယ်ထင်
လူပီသအောင် မနေတတ်ခဲ့
အချိုးက ထောင့်မကျိုး
ရေတွက်ကြည့်လိုက်တော့
အခုဆိုရင် နှစ်ပေါင်းနှစ်ဆယ့်ကိုး-

ဟူး…………..

အဆင့် (နှစ်)

လကွယ်တည
ဖုန်းဆိုးမြေပေါ်မှ
အသံတွေကြားရ
တစ္ဆေတချို့ သံပြိုင်ရွတ်ဆိုကြသည်-

“ရှင်ကြ ရှင်ကြ သေဖို့အတွက် ရှင်ကြ
အတ္တတွေနဲ့ ဒုက္ခခံကာရှင်ကြ
အနုမြူကြောင့်ကြ ဗိုင်းရပ်စ်အစားခံကာ ရှင်ကြ
အလဲအကွဲများတဲ့ ငရဲပွဲထဲက
တနေ့နေ့တော့ ထွက်ခဲ့ကြ
တွဲကရအောင် ဒီမှာ တစ္ဆေအက”

လပြည့်တည
ဘုရားကြောင်းမှ
ဝတ်ပြုဆုတောင်းသံကြားရ
ငြိမ်းချမ်းသည်ဟုပြောကြသည်-

တချို့က-
“မြက်ခင်းစိမ်း နဲ့ အရိပ်အာဝါသ
ငြိမ်းချမ်းစွာနားခိုကြ
ဆက်သွားလျှင် ရောက်မည့်နေရာက
ထာဝရ”
ဟု ယုံကြည်ကြ-

တချို့က-
“အမှိုက်မှောင်ထဲက ရုံးထွက်မှ
လွတ်မြောက်နိုင်မည် သံသရာထဲက”
ဟု တိတ်တဆိတ်ဖွင့်ဟ-

တချို့က-
“စောင့်ရှောက်ကြ
သင်တို့ ၏မြေးမြစ်တီတွတ်က အစ
တာဝန်ယူခ အတွက်
ညှိပေးခဲ့မည်
အမွှေးတိုင် တစ”

တချို့က-
“သေသော်မှတည့် အော်ကောင်း၏”
ဟု ပြောကြဆိုကြ လူဖြစ်ရသည့်
သုဉ်းသုံးဝ

သေချာသည်က
မတည်မြဲနိုင် သည့် အခိုက်တန့်ခဏ
ပြင်ဆင်နိုင်ခါမှ တော်ကာကြ
မှားကိုမှားမည့် အကွက်ရွေ့ခြင်း နိယာမ
လွတ်မြောက်မှု ရှာရန် တွက်
ရုံး ထွက်ရမည် ၀ဲဂယက် ထဲမှ-

အဲ့ဒီည
လူတချို့ လွတ်မြောက်ခဲ့သည့် လမ်းစ
ချစ်ခြင်းကိုတို မုန်းခြင်းကို ဖြတ်ချ-
ပြန်ပတ်မဲ့ ဖြတ်လမ်းနည်းမှာကား
ရှင်လျက်နဲ့ပင် သေချင်ယောင်ဆောင်ကြ……

အဆင့် (သုံး) ( နောက်ဆုံးအဆင့်)

မင်္ဂလာပါ ခင်ဗျား
အားလုံး စိတ်၏ ချမ်းသာခြင်း
ကိုယ်၏ ကျန်းမာခြင်းနဲ့ ပြည့် စုံပါစေလို့ ဆုတောင်းပေးပါတယ်

ဒီနေ့ မနက် ခင်းဟာ ကျနော့်အတွက်တော့
အရမ်း လတ်ဆတ် လှပ လွန်းတယ်-

Tesla