Hope (Two)

ခရေသည်(သယ်)

-ပန်းခရေ

အဓိပ္ပါယ်သတ်မှတ်ချက်အရ-

ဖြူစင်သော အဆင်းရှိသည်- မွှေးပျံ့သော ရနံ့ရှိသည်-

အဖူးသဏ္ဌာန်ရှိသော ပန်းတပွင့်ဖြစ်သည်-

ထို့ထက်လွန်သော ဂုဏ်သတ္တိမှာ သူမသည် အရွယ်လွန်၍ ကြွှေကျ

လာရခြင်းမဟုတ်ပါ- အလှပဆုံး ပွင့်အာထွက်နေသော အခြေနေ-

ရနံ့များ စတင်ပိုင်ဆိုင်ခွင့်ရသော အချိန်မှာပင် ခြွှေချ ပေးခဲ့ခြင်းဖြစ်သည်-

ခြောက်သွေ့ခဲ့လျှင်လည်း မွှေးပျံ့ စဲဖြစ်သည်-

လေအဝှေ့တွင် ခရေများ ကြွှေကျ၍ မြေခ လျှင်ဖြင့် ခြွှေချ ပေးသော

ခရပင်ကြီးအောက်တွင် လူစည်နေတော့သည်-

----------

ထိုအချိန်ဆိုလျှင်ဖြင့် ခရေပင်အောက်တွင် ခေါင်းမော့၍ ပန်းတပွင့်

ကျအလာကို စောင့်နေသည့် မျှော်လင့်ချက်တို့ဖြင့်ပြည့်လျှံနေသော

မျက်လုံးများစွာတို့သည် သားကောင်တကောင်ကို စောင့်ဖမ်းနေသည့်

အလားတောက်ပစွာ ငြိမ်သက်နေတတ် ကြသည်-

ထိုနေရာတွင် တချို့က ခမောက်ခံ၍စောင့်သည် တချို့က၀ါးလုံးကို သုံးချမ်းခွှဲ၍

ခမောက်ကို ကြားညှပ်ကာ သူများထက် နှာတဖျားသာရန် စောင့်သည်-

တချို့က ထို့ထက်ရှည်သော ၀ါးလုံး- တချို့ကပို၍ လျှင်မြန်သွက်လက်သော

လှုပ်ရှားမှု- တချို့ကမျက်စိရှင်မှုများနှင့် ယှဉ်ပြိုင်နေကြသည်-

အားလုံး၏ ဦးတည်ချက်က ခြွှေချမည့် ခရေ အကျပင်- သို့သော် ခရေသည်

သနားညှာတာ တတ်သည်ထင်၏- ခွန်အားသုံး အနိုင်ယူမှုကို ဆန့်ကျင်တတ်

သည်ထင်၏- ဘက်လိုက်မှုမရှိ လေတချက်ဝှေ့လျှင် တပြိုင်ထဲ လေး ငါး ပွင့်

ကြွှေ၏- လေမဝှေ့ပဲ ကြွှေကြ ရမည်ဆိုလျှင် ခေါင်းမော့ စောင့် သူများက

ရတတ်၏- နှာတဖျားသာခြင်သူများသည် ဘေးနားတွင် ထိုင်၍ ခေါင်းမော့စောင့်

နေသူများ၏ လှုပ်ရှားမှုကို စောင့်ကြည့်၍ ခေါင်းမော့စောင့်သူ ရွေ့သည်နှင့်

ထ၍ ၀ါးလုံးခမောက်ကြီးနှင့် ၀င်စားတတ်သည်- သို့သော် ထိုအချိန်သည်

လေငြိမ်နေသောကြောင့် ခေါင်းမော့စောင့်သူများသည် မသိမသာနေရာရွေ့ကာ

အနားကပ်လာမှ ဇတ်ကနဲ ဖမ်းလိုက်ယုံ အခွင့်ရေးကိုရသည်-

အိမ်ပြန်ချိန်ရောက်သည်နှင့် ရရှိသော အရေတွက်သည် ဆတူလောက်ပင်-

----------

ကျနော်ခေါင်းမော့ နေရသည်မှာ တော်တော် ညောင်းနေပြီ- တခါတရံ

အတန်းထဲမှ စာပြိုင်ဘက် ကောင်မလေး ဖြတ်လျှောက်သွားလျှင် ပင်စည်ကြီးနား

ခဏ၀င်ပုန်းရန် မဲတင်း၍လည်း နေရသည်- အပေါ်ကိုမော့၍ စောင့်သည်-

ညောင်းလျှင် လမ်းပေါ်သို့ မသိမသာ ကြည့်ရန် အာရုံလည်းလွှင့်

ထားရသေးသည်- မှောင်ရီပျိုးလာပြီ- အချိန်တန်သောကြောင့် အိမ်ပြန်တော့မည်-

အခုချိန်ဆိုလျှင် မေမေသည် ခရေကို ဘုရားတင်ရန်အတွက် လင်ပန်းအသေး

လေးကို ဆေးနေလောက်ပြီ- ခရေသီရန် နှီးများကို ဖြာ၍ စောင့်နေတော့မည်-

မနက်ဖြန် ဈေးထဲသွားရောင်းရန် ဖြစ်သည်- အိမ်ပြန်လမ်းသည် ခရေနံ့တို့

သင်းပျံ့လှသည်- သို့သော် ခရေနံ့ ရှိုက်ဖို့ မဟုတ်ပဲ ခရေ၏ဖြူစင်သည့်

လှပသောအဆင်းကြောင့် မဟုတ်ပဲ ခရေကောက်၍ ပြန်လာသည်ကိုတော့

ကျနော် သိထားပါသည်-

----------

တရံတခါက ခရေတချို့သည် ကလေးတယောက်၏ မျှော်လင့်ချက်များ

အဖြစ် ကမ္ဘာမြေပေါ်သို့ ကြွှေချပေးခဲ့ ကြဘူးသည်-

ခရေသံကြားရယုံ ခရေနံ့ရှိုက်ရယုံ ခရေကိုမြင်ယုံ မျှနှင့်ပင် တခါက ခရေည

များသည် ခြောက်ခြောက်သွေ့သွေ့ နှင့် မွှေးပျံ့နေစဲပင်-

ပန်းခရေ..

နွမ်းကြေနေလေသော်မှ…

ရနံ့ရယ် မပြေ…..

ပါတကား.

Tesla