Child-Hood

-ငယ်ငယ်က ကျနော်သည် ကလေးတယောက် ဖြစ်ပါသည်..
-ငယ်ငယ်က တနေ့တွင် လူကြီးဖြစ်လာမည်ကို ရိပ်မိပါသည်
ယခုလောက် လျင်လျင်မြန်မြန် အသက်ကြီးလာလိမ့်မည်ဟူ၍တော့ မထင်ခဲ့မိပါ..
-ငယ်ငယ်က ပင်ပင်ပန်းပန်း ဆော့ကစားဘူးပါသည်
လူကြီးများအတွက် မောဟိုက်စွာ ကစားရသည့် ကစားပွဲမျိုးလည်းရှိမှန်း မသိခဲ့ပါ..
-ငယ်ငယ်က လွတ်လပ်စွာပျော်ရွှင်ခဲ့ဖူးသည်
ပျော်ရွှင်ခြင်း၏ နောက်ကွယ်၌ အတုန့်အလှဲ့ ဆိုသော အရိပ်များ တည်ရှိနေမည်ကို
မတွေးမိခဲ့ဘူးပါ..
-ငယ်ငယ်က လူကြီးမြန်မြန်ဖြစ်ချင်ခဲ့ပါသည်
လူကြီးဖြစ်လာသောအခါ ကလေးဘ၀ကို လွမ်းဆွတ်တမ်းတလိမ့်မည်ဟု မထင်ခဲ့မိပါ..
-ငယ်ငယ်က ညာဘက်လက်တွင် ဖေဖေ့လက်ကိုတွဲ ဘယ်ဘက်လက်တွင်
မေမေ့လက်ကို ဆွဲထားခဲ့ဘူးသည်
တနေ့နေ့၌ှ လက်တွဲဖြုတ်ရလိမ့်မည်ဟူ၍ မစဉ်းစားမိဘူးပါ..
-ငယ်ငယ်က မေမေ့ရင်ခွင်ထဲတွင် ငြိမ်းချမ်းစွာ အိပ်စက်ခဲ့ရသည်
ထာဝရဆိုသည်မှာလည်း ပျက်စီးတတ်ကြောင်း နားမလည်ခဲ့ပါ..
-ငယ်ငယ်က ကြိမ်ဖန်များစွာ မျက်လုံးမှ ငိုကြွှေးခဲ့ဘူးပါသည်
နှလုံးသားထဲမှ နာကျင်စွာ ငို၍ရသည်ကိုမူ မကြားဘူးခဲ့ပါ..
-ငယ်ငယ်က ရိုးသားမှုဆိုသည်ကို နားမလည်ပဲ ပိုင်ဆိုင်ခဲ့ဘူးပါသည်
အဓိပ္ပါယ်ကို သိသောအချိန်တွင်မှ လက်လွတ်ဆုံးရှုံးရမည်ဟု၎င်း
ရိုးသားခြင်းသည် ဒုက္ခရောက်တတ်သည်ဟု၎င်း မထင်ခဲ့မိပါ..
-ငယ်ငယ်က အဖြူရောင်ကို ကြည့်သောအခါ အဖြူရောင်ကို မြင်ရသည်
အဖြူရောင်သည် အရောင်များစွာကို အချိုးတကျ ပါးနပ်စွာ ရောစပ်ထားမှန်း မသိခဲ့ပါ..
-ပျော်ရွှင်စရာ ငယ်စဉ်အခါလွတ်လပ်မှုနဲ့ ဖြူစင်သည့်အတွေးများသည် အခုတော့ ဟိုးအဝေး၌
ကျန်ခဲ့ပေပြီ.. ငယ်ငယ်တုန်းကတော့ ကျနော်သည် ကလေးတယောက်သာ ဖြစ်ပါသည်…..

Tesla

May Oo Moe

ဒိန်း.. ဒလိမ်း.. ဂျိန်း.. ဂျိန်း

ဟူသော မိုးခြိမ်းသံများသည် အိပ်ပျော်နေသော ကျနော့်အား အိပ်ရာမှ နိုးထစေခဲ့သည်- မိုးရွာတော့မည်ဟူသောအသိကြောင့် ပြတင်းတခါးကို ဖွင့်လိုက်သည်- ထိုအခါ အနောက်တောင် မုတ်သုန်လေများသည် ကြမ်းတမ်းစွာ အခန်းတွင်းသို့ ၀ုန်းကနဲ တိုးဝှေ့လာကြသည်- ၀ဿန်ကာလ၏ ခြေဆင်းဖြစ်သော တမန်တော်များ ၀င်ရောက်လာခြေပြီ- ဟိုး အဝေးကိုမျှော်ကြည့်လိုက်သောအခါ လှိုင်းထနေသော တောင်တန်းများတွင် မိုးရိပ်ဆင်ကာ ညိုမည်း အုံ့ဆိုင်းနေတော့သည်- လျှပ်စီးများက တချက်တချက် ၀င်းဝင်းလက် နေသည်မှာ ပြိုးပြိုးပြက်ပြက် ရှိလှသည်- ကြည့်နေစဉ်မှာပင် မိုးစက်တို့ ဟိုတစက်ဒီတစက် ကြွှေကျလာလျက်- ခေါင်းမော့မျက်စိမှိတ်ကာ မိုးသက်သော လေကို ရှုရှိက်နေစဉ်မှာပင် သင်းပျံ့သော မြေသင်းရနံ့ကို လတ်ဆတ်စွာ ခံစားလိုက်မိသည်- တဖွဲဖွဲမှသည် သည်းလာပြီ- မျက်နှာထက်သို့ မိုးစက်တချို့ပင် ရိုက်ခတ်လာနေပြီ-
နွေပူပူကို ခြွှေယူရန် ရက်များစွာမျှော်လင့်ခဲ့ရသော မေဦးမိုး ပင်တည်း…

ငယ်ငယ်က ရွတ်ဖတ်ခဲ့ဖူးသော ၀ဿန်ကာလ.. မိုးကျတည့်လျှင်… ဆိုသော ကဗျာလေးအား သတိရမိသည်- တောင်သူဦးကြီးများအား လုပ်ငန်းခွင်ဝင်ရတော့မည်ကို နိုးဆော်ပေးသော မိုးဖြစ်ပေသည်- တနွေလုံးခြောက်သွေ့ခဲ့ရသော မြေအား ပြန်လည်ထွန်ယက် ရမည့် အချိန်ရောက်တော့မည် ဖြစ်သည်- မိုးရွာထဲတွင် ဖျင်နီအင်္ကျီကြမ်းနှင့် ပုဆိုးတိုတိုဝတ်ကာ ရွှံဗွက်ထဲ လယ်ထွန်နေမည့် ကျေးဇူးရှင် တောင်သူဦးကြီးများကို မြင်ယောင်မိသည်-
ကြိုးကြာငှက်တို့သည် မိုင်ထောင်ရှည်ခရီးစဉ်အား စတင်တော့မည်ဟု၎င်း-
ကိုရွှေဖားတို့သည်ကား မရိုးနိုင်သော အုံးအွမ်သံစဉ်အား ဟစ်ကြွှေးတော့မည်ဟု၎င်း-
ပန်းတို့က လှလှပပ ပွင့်လိုက်ကြတော့မည်ဟု၎င်း-
သစ်ပင်တို့သည် အဖူးအပွင့်ရွက်သစ်ဝေရတော့မည်ဟု၎င်း-
ကြမ်းတမ်းသော နွေလေပူတို့က ဆုတ်ခွါတော့မည်ဟု၎င်း-
အသီးသီး ပြင်ဆင်နေချိန်တွင် ကျနော်သည်လည်း မိုးစက်ပွင့်တို့အား နမ်းရှိုက် အတိတ်ကို လွမ်းလိုက်ရန် အဆင်သင့် ဖြစ်နေမိသည်-

သည်းသည်းမည်းမည်း ရွာသောမိုးကြောင့် လတ်ဆတ်လာသော စိတ်များသည် အတိတ်ဆီကိုပင် ခေါ်ဆောင် လွှင့်မြောသွားစေတော့သည်-

ငယ်စဉ်တောင်ကျေး ကလေးဘ၀က မိုးရွာလျှင် လွတ်လပ်စွာ ပျော်ရွှင်ခဲ့ရပုံတို့သည် တရေးရေးပေါ်လာ ပြန်သည်- မိုးရွာပြီဆိုသည်နှင့် ဦးစွာ အိမ်မှ စဉ်အိုးထဲသို့ ရေဖြည့်ရသည်- နှစ်ရက်သုံးရက်ခန့်တော့ မြစ်ဆိပ်သို့ ရေသွားခပ်စရာ မလိုတော့ပေ- ရေဖြည့်ပြီးသည်နှင့် မိုးရေထဲသို့ ခုန်ပေါက်ပြေးလွှားသွားကာ လက်နှစ်ဖက်ကိုမြောက် ခေါင်းကိုမော့၍ ဝေး…. ကနဲ အားကုန်အော်ဟစ်ရသည့် အရသာမှာ ပြောမပြတတ်အောင်ပင်- မိုးရွာထဲ ပြေးလွှားဆော့ကစား ရသည်မှာအလွန်ပျော်စရာ ကောင်းပါသည်- လူများလျှင် ဘောလုံးကန်ကြသည်- တစ်ခါတစ်ရံ ကျောင်းဝင်းထဲရှိ သရက်ပင်ကြီးအောက် သို့ သရက်သီးများ ကြွှေကျသည်ကို အလုအယက် ကောက်ကြသည်- ကျောင်းဆောင်ကြီးမှ ရေသယောက် တွင် အလုံးအရင်းနှင့် ကျလာသော မိုးရေများအောက် ၀င်ခံကာ အသက်အောင့်၍ မျက်လုံးတဖြတ်ဖြတ်ခပ်လျက် ရေ၀င်ချိုးရသည်မှာ စွန့်စားခန်းတခု အလားဖြစ်သည်- မိုးရေချိုးနေတုန်း လျှပ်စီးများ ၀င်းကနဲလက် သွားလျှင် နားကို အလျင်အမြန် ပိတ်ထားရသေးသည်-

တွေးနေရင်းဖြင့် သက်ပြင်းတစ်ချက်ကို ခပ်လေးလေးချမိတော့သည်- အော် ဘယ်သောအခါမှ ပြန်လည်ရနိုင်တော့မည် မဟုတ်သည့် အတိတ်က ဖြစ်ရပ်များပင်.. တွေးနေရင်း ဖြင့်ပင် မိုးက သည်းတထက် သည်းလာပြန်သောကြောင့် မိုးသည်းတိုင်း လွှမ်းဆွတ်မိသူ တစ်ယောက်အကြောင်း တွေးမိပြန်သည်-

မိုးပြိုတိုင်း လွှမ်းမိတယ် ညို..
ဟိုးတခါ.. မိုးတွေရွာစဉ်ခဏ.
မျက်ဝန်းလှလှတွေက ရွှန်းလဲ့လဲ့စို..
တမ်းတမိတယ် ပျော်ရွှင်ဖွယ် နေ့ရက်တွေကို…
အခုတော့ ရင်ထဲမှာတောင်ငို..
အို.. ပိုတယ်လို့ပဲ ဆိုဆို..
တကယ်ကို လွှမ်းရပါတယ်ညို…….

လွှမ်းလွှမ်းဆွေးဆွေးဖြင့် မျိုးကျော့မြိုင်သီချင်းလေးအား ညည်းနေမိသည်..

မိုး…..လေး…..ဖွဲ. တုန်း.. သတိရတယ်……
ပို……တယ်. လို့.. မပြောလိုက်ပါနဲ့………..

နောက်အပိုဒ်ကိုလည်း နာနာကြည်းကြည်း ဖြင့် ထပ်ညည်းမိပြန်သည်..

ဝေး….ပြီး… တနေ့.. ပြန်တွေ့ ကြမယ်…..
ယုံ.. ကြည် ထား…. မိုးစက်တွေရယ်……….

((((( ဟိုက်.. ဇာတ်ကားရိုက်နေတာနဲ့ . ရုံးနောက်ကျပြီဟ…. အမြန်လုပ်မှ…!!!! )))))

Tesla

Our Hope

ဒါတို့ပြေ.. ဒါတို့မြေ… တို့ပိုင်တဲ့မြေ….

နားထဲတွင် နိုင်ငံတော် သီချင်းလေး ကို ကြားယောင် နေမိပါသည်-

ဟုတ်ပါတယ် ဒါဟာ ကျနော်သာမက ကျနော်တို့ပိုင်တဲ့ မြေပါ- ကျနော်တို့ပိုင်တဲ့ ရေပါ- ကျနော်တို့ကို နိုင်ငံသား တယောက် ဖြစ်ကြောင်း အသိအမှတ် ပြုပေးတဲ့ နေရာပါ- ဒီတော့ ကျနော်တို့မြေ ကျနော်တို့ရေ အတွက် ကျနော်တို့ခံစားချက် ကျနော်တို့အမြင် ကျနော်တို့နိုင်ငံရဲ့ အခက်အခဲများ ကို လွတ်လပ်စွာ ချပြခွင့် ကျနော်တို့မှာ ရှိမည်ဟုထင်ပါသည်-

အစစ အရာရာ အဆင်ပြေချောမွှေ့မှု ဆိုသည်မှာ ခက်ခဲပါသည်- ပုံမှန်အားဖြင့်မူ လုံးဝမရှိ ဟူ၍တောင် ပြောလို့ရနိုင် ပါသည်- သို့သော် ဘာဖြစ်လို့ ရေးကြရတာလည်း ဆိုရင်ဖြင့် ကျနော်တို့ နိုင်ငံသည် ကမ္ဘာ့အလည်တွင် မားမားမတ်မတ် ရပ်တည်နေနိုင်သည့် အခြေနေမရှိပါ- ဆင်းရဲနွမ်းပါးသော နည်းပညာ ချို့တဲ့သော နိုင်ငံတနိုင်ငံအဖြစ်သာ ကမ္ဘာ့အလည်တွင် သိမ်ငယ်စွာ တည်ရှိနေပါသည်- မည်သူမျှ ငြင်းမည် မထင်ပါ-

ကျနော်တို့သည် ထိုဆင်းရဲသော အဆင့်တန်းမရှိသော ဟု တခြားသူများ သတ်မှတ်သည်ကို ရင်နာစွာဖြင့် ခေါင်းငုံ့ နားထောင်ခဲ့ရသည်မှာ ခံစားခဲ့ရသည်မှာ တော်တော်ပင် ကြာခဲ့ပါပြီ- မှန်ပါသည် လူတန်းစေ့အောင် ပင် နေနိုင်ရန် ခက်ခဲသော ကျနော်တို့နိုင်ငံသား တော်တော်များများ တွေ့နေရသည်-

ကျနော်တို့ဘာလုပ်ပေး နိုင်ခဲ့ပါသလဲ- မခံခြင်စိတ် ၀မ်းနည်းစိတ် များတော့ သေသေခြာခြာ ပင် ရှိခဲ့ကြပါသည်- ထို့ထက်ပို၍ ကျနော်တို့ အသုံးကျအောင် နေခြင်းသည် မြန်မာနိုင်ငံသား တယောက် အသုံးကြသည် ဆိုသလောက်သာ အလွန်ဆုံး တတ်နိုင်ခဲ့ပါသည်- ထိုအဆင့်ထက် ကျော်လွန်အောင် ပေးဆပ်နိုင်ရန်မူ ကျနော်တို့အတွက် အန္တရာယ်ရှိကောင်း ရှိနိုင်သည့် အုပ်ချုပ်သူသဘောမတွေ့စေမည့်ု စာမျိုးအား တခါတရံ ရေးမိပါလိမ့်မည်- သို့သော် ထို အန္တရာယ်များသည် နိုင်ငံတော်အပေါ် ကျနော်တို့ ထပ်ပေးစပ်ချင်သည့် နိုင်ငံသား တယောက်၏ ၀တ္တရားထက် ပိုသော တာဝန်များ ဖြစ်သည် ဟူ၍ သာလက်ခံထား သင့်သည်-
နိုင်ငံတနိုင်ငံ ၏ ဆင်းရဲမှုသည် နိုင်ငံရေး ပညာရေး ကျန်းမာရေး စီးပွားရေး ပေါ်တွင် မူတည်သည် ဟူ၍ အကြမ်းမြင်း သတ်မှတ်၍ရသည်- ထိုအရေးများ ထဲမှ နိုင်ငံရေး ဆိုသည့် အာဏာယူခြင်း အုပ်ချုပ်ခြင်းများ ကိစ္စမှာ သာမန်ပြည်သူများ လိုက်စဉ်းစား၍ မမှီအောင် ကျယ်ပျံ့သော်လည်း ကျန်အရေး ကိစ္စများမှာမူကား ကိုယ်တိုင်ကိုယ်ကျ ပါဝင်ပတ်သက် သောကြောင့် နိုင်ငံတော်၏ အရေးဟူ၍ သတ်မှတ်ပါသည်- ပြဿနာ များနှင့် ပြည့်နက်နေသော နိုင်ငံတနိုင်ငံ အတွက် ကျယ်ကျယ်ပျံ့ပျံ့ အကျိုးထိရောက်ရန် အခြေခံကျစွာ ၀ိုင်းစဉ်းစားကြသောအခါ ထိုနိုင်ငံတော်အရေးများ အားလုံးသည် နိုင်ငံရေး၏ ရေသောက်မြစ် မှ ဖြစ်ပေါ်လာသည်ကို တွေ့လာရပြန်သည်- ထို့ကြောင့် နိုင်ငံတော်အကျိုးအတွက် ရေးသားချက်များသည် အုပ်ချုပ်သူ ကန့်သတ်ထားသောစည်းထဲသို့ တချက်တချက် ရောက်ခဲ့မိပါက ကျနော်တို့နိုင်ငံတော် အတွက် ရောက်ခဲ့ခြင်းသာလျှင် ဖြစ်သည်ဟု ခံယူသင့်ပါသည်- အုပ်ချုပ်သူများကလည်း ထိုကဲ့သို့ နားလည်ပေးသင့်သည် နားလည်ပေးမည်ဟုလည်း မျှော်လင့်ပါသည်-

Tesla

10 Weird things about Me

ရန်မကုန်သူ က ကစားနည်းတစ်ခု tag တယ်ဆိုလို့ ကစားလိုက်ရပါတယ်..

ရေးရမှာကတော့ ကိုယ့်ရဲ့ ထူးဆန်းသော အပြုမူအကျင့်များ (သို့) စိတ်ကူး (သို့) ပုံမှန်မဟုတ်သော အလေ့အထ များကို ဆယ်ခု ရေးချရပါမယ်တဲ့.. ပြီးရင်တော့ ကိုယ့်ရဲ့ မိတ်ဆွေ သုံးယောက်ကို လည်း ပြန် Tag ရပါမယ်.. Tag ပြီးသား လူကို ထပ် Tag လို့မရပါဘူး.. (သူပြောတာကတော့ ခြောက်ယောက်တဲ့ များလို့ တ၀က်လျှော့ လိုက်တာ- အဲ့လို စည်းကမ်းမလိုက်နာချင်တဲ့ ၀သီက အင်ထရို အချက်တခု ဟူ၍မှတ် )

၁) ဘာဖြစ်လို့များ လူဖြစ်လာရတာလည်း လို့ အဆင်မပြေတိုင်း ခဏ ခဏ စဉ်းစားမိနေတယ်. (ကြောင်တာ ကြောင်တာ)
၂) သဲနည်းနည်းရှိတဲ့ သံမံတလင်း ပေါ်ကို ဖိနပ် မပါပဲ ဘယ်လိုမှ လျှောက်လို့မရဘူး မဖြစ်မနေ ဆိုရင် အသက်အောင့် မျက်စိမှိတ် ခြေဖျားထောက် ပြီးမှ ပြေးတယ်-
၃) ဂိမ်းဆော့တဲ့ အခါ ကားမောင်းတဲ့ အခါ စကားနိုင်လုတဲ့ အခါ ကိုယ့်ထက် ဘယ်လောက်ငယ်ငယ် ဘယ်လောက်အတွေ့ကြုံနုနု ဘယ်တော့မှ အလျှော့မပေးဘူး. (ဟွန်း)
၎) သိပ်ကောင်းတဲ့ ရုပ်ရှင်ဇာတ်ကား ကြည့်ရတဲ့အခါ ၀မ်းအလွန် နည်းစရာကောင်း ပြီး ဇာတ်နာနေရင် ပုံမှန်ပါပဲ ဒ်ါပေမဲ့ အဲ့ဒီ ဇာတ်ကားရဲ့ ဇာတ်ပေါင်းခန်း ၀မ်းသာစရာ အခြေအနေ တွေကိုရောက်ရင် မျက်ရည် တခါတခါ ကျချင်သလိုလိုဖြစ်တယ်- တခါတခါကျတယ် ဟီး (အော် ကစားနည်းကလည်း ကို့ပေါင် ကိုလှန်ထောင်းရ သလိုပါလားကွယ်)
Tom & Jerry နဲ့ Cartoon ကားတွေကိုလည်း အခုအရွယ်ထိ ကြိုက်တုန်းပဲ ကြည့်တုန်းပဲ.
၅) စကားကြီး စကားကျယ် ပြောပြီး စတိုင်ကလည်း အရမ်းမိုက် နေရင် အသလွတ်ကို အမြင်ကတ် နေတာ (ကို့ထက်သာ မနာလိုဆိုတာမျိုး များလား)
ဆင်းရဲတဲ့လူတွေကို သနားတယ် ချမ်းသာတဲ့သူတွေကို အလိုလို အမြင်ကတ်တယ်. (ချမ်းသာတဲ့ သူတွေကို သနားတတ်အောင် ကြိုးစားရမယ်ဆိုတာတော့ စိတ်ကူးထားပါတယ်လေ)
၆) မနက်ကို ကော်ဖီသောက် ပြီးမှ အိမ်သာ တက်တတ်တယ်.. အိမ်သာ မတက်ရသေးခင် ဘယ်တော့မှ ရေမချိုးဘူး. ရေချိုးပြီးရင်လည်း အိမ်သာတက်မရတော့ဘူး အဲ အချိန်နောက်ကျ လို့ မနက်အိမ်သာ မတက်ခဲ့ရရင် အဲ့ဒီတနေ့လုံး ရုံးမှာ နေလို့ အဆင်မပြေဘူး. ကိုယ့်ဟာကို မသန့်သလိုမျိုး ခံစားရတယ်.. စာအုပ်တအုပ် လောက်မှမပါဘဲနဲ့ လည်း အိမ်သာမတက်တတ်ဘူး.. ပြဿနာက ပေါက်ကွဲလု ဖြစ်နေရင်တောင် မရရတဲ့ ဖတ်စရာ စာတခုတော့ မဖြစ်မနေ ရှာပြီးယူသွားတယ်.
ရ) မကောင်းမှန်းသိရက် နဲ့ တေ့ပြီး လုပ်တဲ့ အကျင့်ကို အခုထိ ပြင်မရသေးဘူး. (မဖြစ်မနေ အခြေအနေမှ Adrenaline ထွက်တာတို့ ရိုးရိုးကြီး လုပ်ရတာ ပျင်းလို့ ခက်ခက်ခဲခဲ အခြေနေ ရောက်မှ ထလုပ် တာတို့ အဲ့ဒီ ဆင်ခြေတွေကို တယောက်ယောက်က လာအပြစ်တင်ရင် ပြောတယ်)
၈) ပုံမှန်အားဖြင့် စိတ်ကူးထဲတောင် ပေါ်မလာတဲ့ နေရာတွေကို တခါတလေ ရာသီဥတု သာယာရင် (စိတ်ကူးပေါက်ရင်) တယောက်ထဲ ထသွားတယ်.
၉) သူများတွေ စိတ်လျှော့ လိုက်ပြီဆိုမှ အဲ့ဒီအလုပ်ကို အားသွန်ခွန်စိုက် ထလုပ်တယ်.
နောက်ကွယ်က လုပ်ရမဲ့ အလုပ်မျိုးတွေကိုပဲ လုပ်တယ် (အရင်းနှီးဆုံးသူတယောက်တကော့ ပြောဖူးတယ် ဒါမျိုးတွေးရအောင် နင်က ကားလိုဟာမျိုးတခုခု ကို တီထွင်တဲ့ သူမှမဟုတ်တာတဲ့.. ဟုတ်သားပဲ.. အမှန်တော့ ရှေ့တန်းမထွက်ရဲတာပါ :P)
၁၀) သီချင်းတပုဒ်ကို ကြိုက်မိရင် အဲ့ဒီတပုဒ် ထဲကိုပဲ Repeat လုပ်ပြီး နားထောင်တယ် ရက်ပေါင်းများစွာ လပေါင်းများစွာထိ ဒါပဲ.. အိပ်ရာဝင်ရင် နားထောင်တဲ့ အခွေလည်း တခွေထဲပဲ. လွန်ခဲ့တဲ့ ဆယ်နှစ်ကတည်းက အခုထက်ထိ အဲ့ဒါပဲ ဖွင့်တယ်. စိတ်ကြည်လင်တဲ့အခါ စံပါယ်ပန်း ငါးကုံးလောက်ဝယ် အိပ်ရာပေါ်ခြွှေချ ပြီးအိပ်တတ်တယ်..

ဘောနပ်စ်တချက် ထပ်ထည့်လိုက်တယ် အခုအသက်ကြီးလာလေလေ ကောင်မလေး လှလှလေးတွေကို ပေါ်တင် ငမ်းရဲလေလေ ဆိုတာသတိထားမိတယ် :P

ကဲ.. အထုပ်များကို ဖြေချလို့ ပြီးပါပြီ.. ဒီတော့ စည်းမျည်းအရ နောက်သုံးယောက် ကို ထပ် Tag လိုက်ပါပြီ..
၁) မအိမ့်
၂) မဂျစ်
၃) ဘာညာ

-လိုက်မရေးလို့ မော်ဒယ်ဂဲတယောက် ဂတုံးတုံး ပြီး သီလရှင် ၀တ်လိုက်ရသတဲ့-
-လိုက်ရေးတဲ့ ကောင်လေးတယောက် ကို ရည်းစားက ရှင့်ကို မုန်းလိုက်ပြီ လို့ ပြောသတဲ့ (အရမ်းဝမ်းသာ ဆိုပဲ)

Tesla

Traveller

ဒီဘက်မှာ..
စိမ်းလန်းလှပတဲ့ တောအုပ်ကြီးတွေရှိပေမဲ့
အချိန်တခုခုရောက်ရင်တော့ ခြောက်သွေ့မယ်တဲ့…

ဒီဘက်မှာ..
ရိုးသားခြင်း ဖြူစင်ခြင်း နဲ့
အပူပင်ကင်းခြင်းတွေရှိပေမဲ့
ကလေးဘ၀ကပဲ ခပ်များများပိုင်ဆိုင်တာတဲ့..

ဒီဘက်မှာ..
ချစ်ခြင်း၊ ပျော်ရွှင်ခြင်း နဲ့ အောင်မြင်ခြင်း တွေရှိပေမဲ့
မုန်းခြင်း၊ ၀မ်းနည်းခြင်း နဲ့ ကျရှုံးခြင်းတွေ လည်းပြန်ဖြစ်လာမှာတဲ့..

ဒီဘက်မှာ..
အံ့မခန်း နည်းပညာတွေ ရှိပေမဲ့
လူတွေကို အပျင်းထူစေသတဲ့..

ဒီဘက်မှာ..
ငွေကြေးစည်းစိမ်တွေကို ခံစားနိုင်ခွင့်ပေးထားပေမဲ့
ပွဲပြီးရင်တော့ထားခဲ့ရမှာတဲ့..

ဒီဘက်မှာ..
တောင်တွေ ချိုင့်ဝှမ်းတွေ ပြည့်နေတယ်
ရယ်သံတွေ ငိုသံတွေက လေထုထဲမှာ ကြိတ်ကြိတ်တိုးတုန်း..
အမဲလိုက်ကပွဲ ဆင်နွဲ နေတဲ့ တောအုပ်ကြီးလည်းရှိတယ်
ပန်းတွေက မကြွှေခင်အထိတော့ လှပစွာပွင့်တုန်း..
အမြင်တွေနဲ့ ယုံကြည်မှုကို အသက်သွင်းထားတဲ့
အရာဝတ္တု တခုစီတိုင်းမှာ ကုန်ဆုံးရက်စွဲတွေ သေသေချာချာ ကပ်ထားတယ်
ပုပ်သိုး ဆွေးမြေ့မှုတွေက ဒေါင့်တနေရာမှာ လျစ်လျူရှုခံရတုန်း..
ဒေါသ၊ လောဘနဲ့ မောဟတွေကို တလှဲ့စီ စားသုံးတယ်
နွားတွေက ဆီဆုံကိုအထပ်ထပ်ပတ်ပြီး ကြိတ်တုန်း..

ဟိုဘက်မှာ..
ဟိုဘက်မှာ..
ဟိုဘက်မှာတော့ တခုပဲ ရှိတယ်..
အနတ္တတဲ့..

Tesla

My Recent Favorites

သူ့အကြောင်း ကိုယ့်အကြောင်း (ဒေါက်တာစိုးအောင်)

ဧည့်သည်တယောက်နှင့် စကားပြောရလျှင် ကျနော့်အကျင့်မှာ သူတို့အကြောင်း ဦးဆုံးမေးတတ် ပါသည်။ မေးတစ်ခွန်း ဖြေတစ်ခွန်း ဖြစ်နေလျှင်တော့ ဧည့်သည်ကို တရားခံစစ်စစ်နေတာမျိုး ဖြစ်လာတတ်သည်။ ထို့ကြောင့် ကျနော့်အကြောင်း ပြောင်း၍ ပြောတတ်သည်။ သူ့ဘက်က စကားလိုက်မလာပြန်လျှင် ကိုယ့်အကြောင်းချည်း ဆက်ပြောနေလို့ မဖြစ်ပြန်။ ထိုအခါ သူ့အကြောင်းမဟုတ်၊ ကိုယ့်အကြောင်းမဟုတ်၊ အားလုံးနှင့် ဆိုင်တာကို ကျနော်ပြောဖြစ်ပါသည်။ စာရေးတော့လည်း အလားတူပင်။ သူ့အကြောင်းပြောဖြစ်သည်၊ ကိုယ့်အကြောင်းပြောဖြစ်သည်။ အားလုံးနှင့် ဆိုင်သည့် အကြောင်းကိုလည်း ပြောဖြစ်သည်။ ပြောမိသမျှ အားလုံးသည် “တကယ်ဖြစ်နေတာ” ချည်းတော့မဟုတ်။ “ဖြစ်ချင်တာ” တွေကို ပြောနေသည်က ပိုများသည်။ ထို့ကြောင့် ကြားရသူအတွက် တစ်ခါတစ်ရံ ကြီးကြီးကျယ်ကျယ်တွေ ဖြစ်ကောင်း ဖြစ်နေတတ်သည်။

နေရူး၏ ၁၉၆၂ ခုနှစ်ထုတ် Autobiography စာအုပ်၊ စာမျက်နှာ ၅၉၆ ၌ပါသော အောက်ပါစာကြောင်းလေးကို နှစ်သက်စိတ်ဖြင့် အကြိမ်ကြိမ် ဖတ်မိပါသည်။

“Perhaps what I have written is not much an account of what I have been but of what I have sometimes wanted to be or imagined myself to be.”

ကျနော် ပြောချင်သည်မှာ “ သူ့အကြောင်းဆိုတာလည်း ကိုယ့်အကြောင်းပါပဲ။ ကိုယ့်အကြောင်း ဆိုတာလည်း သူ့အကြောင်းပါပဲ။ သူ့အကြောင်းမဟုတ် ကိုယ့်အကြောင်းမဟုတ် ဆိုတာကတော့ ကျနော်တို့တွေ အားလုံးရဲ့ နှလုံးသားထဲကလာတဲ့ဆန္ဒတွေပါပဲ။

ဒေါက်တာစိုးအောင်
၂၀၀၇ ဖေဖ၀ါရီလ ထုတ် စပါယ်ဖြူ မဂ္ဂဇင်းမှ ကူးယူဖော်ပြပါသည်။

Diary (one)

“မင့်ကိုကြည့်ရတာ အခုပဲ အငွေ့ထပျံတော့မဲ့ ပုံစံနဲ့”ဆိုလို့ နှင့်ဆီကို စာထပ် ရေးလိုက်တယ် ဒိုင်ယာရီ… အားတော့နာပါရဲ့ စိတ်တွေ အစာမကြေတိုင်း နင့်ဆီကိုလာလာပြီး အံချရတာကို.. အံဖတ်တွေထဲမှာ သွေးညှီနံ့ တွေတော့မပါလောက်ပါဘူး ကြောက်ရွံမှု တချို့ တရားကျမှု အတွေးတွေနဲ့ အထီးကျန်မှု တွေကသာ အချိုးမကျတကျ ပါနေပါလိမ့်မယ် ဒိုင်ယာရီရယ်… ဒါပေမဲ့ လှတပတ ဖြစ်အောင် အတတ်နိုင်ဆုံးတော့ ငါရောစပ်ထားပေးပါတယ်… ဒီရေဆိုတာ တက်ပြီးတော့ ပြန်ကျသွားတာ ဒါထူးဆန်းလားတဲ့…. ကြမ်းကြမ်းတမ်းတမ်း မလုပ်ဖို့ ပဲငါပြောတာပါ….. ငါ့နှလုံးက သိပ်မကောင်းဘူးလေ….. မိုးရွာထဲမှာ ထီးမပါဘဲ လမ်းလျှောက်ရတာ အရသာတော့ ရှိပါရဲ့ ဒါပေမဲ့ မိုးကြိုးမပစ်အောင် ဆုတောင်း နေရတာ တခါတခါ သိပ်မမိုက်ဘူး….. မိုးဆက်တိုက်ရွာရင်လည်း အအေးမိနိုင်တယ်မဟုတ်လား….. ခန္ဓာကိုယ်ဆင်းရဲမှ ၀ိဥာဉ်ထက်မြက်မှာ ဟုတ်လား.. ကဲပြော.. ၀ိဥာဉ်ဆင်းရဲခံရင်ကော ခန္ဓာကိုယ်ကထက်မြက်အုံးမှာလား….. တချက်တချက်ဆို မြေမြုပ်ထားတဲ့ အတောင်ပံတချို့ က ရှင်ပြန်ထမြောက်ချင်နေသေးတယ်… မာလာငွေ ကန်ရေအေး နဲ့ ဌက်တေးက ဘယ်တော့မှလာမှာလည်း….. စောင့်နေတာ မိုးမရွာတဲ့ ရာသီ ခြောက်ခါတောင်ရှိပြီ…… မိုးရယ်ရွာပါတော့….. အခွင့်ရေးရရင်တော့ သွားမေးဦးမယ် ကယ်တင်ဖို့အတွက် များဘာလို့ သက်သက်ဖန်ဆင်း တာလည်းလို့.. ဒီမှာဖြင့် ကစားကွက်ထဲမှာ ပြူးလို့ ပြာလို့… ရှုပ်နေတာပဲ.. ကိုမျိုးကျော့ရဲ့ လူဖြစ်ရတဲ့ ဒုက္ခက ဟောဒီနားထဲကကို မထွက်ဘူး….. ဒိုင်ယာရီရယ်.. တတိယအဆင့် ရုန်းထွက်ခြင်းဟာ အသုံးဝင်ပေမဲ့ လို့ နေ့တိုင်းဖြစ်ဖို့ ခက်ခဲလှတယ် ခက်မှာပေါ့လေ နောက်ဆုံးအဆင့် မဟုတ်လား… ဖြစ်နိင်ရင် မော်ဖင်းကို ဒရစ်ပ် ချိ်တ်ပြီး အတောင်ပံတစင်းနဲ့ အေးအေးငြိမ့်ငြိမ့် မိုက်မိုက်ကန်းကန်းပဲ ဒီဘ၀ကို အဆုံးသတ်ပြစ်လိုက်ချင်တာ…… အော်.. လူ့ဘ၀ကို ဘယ်လို လျှောက်လှမ်း ရတယ် ဆိုတာ ငါအခုထိ မရိပ်မိသေးဘူးကိုး… ဒိုင်ယာရီရေ တကယ်ပါ ငါ အနန္တကို မလိုချင်ဘူး.. ကြာသာပတေး ကိုလည်းမလိုချင်ပါဘူး. ငါ့ဘ၀ကို ပဲ ငါ့ကိုပြန်ပေးပါ.....

Tesla